Popular Bible Verses from Póróvep 1

Share

 a/fu, wo a-já ng bubong, wo a-man a-bwóp kpáá kashú a-kye Óburúkpâbí ofê.] Enyam-banet nyi e-né ng bubong ne byěm ekwâa. Wǎn ejí, tî atông a-jwo ńkyí ńchân ne ńnân mbe ba-sét ng ǒ.

Banet ḿbé ba*da/nyît ne chwǒm* ba-kpú u, ké nǎ, mbé ba/né bubong. Enyam-banet e-kpú u, ké nǎ, ee*kérê*. Nké nang yeě mú mu o-fwôo ng atông o-jwo mě, o/chi o-kyú kanong. Chwǒm kii*ta ǎ* ne chwǒm kyi*fí ńkyí kyi/chi kyi-chi ǎ o-shî*.

Atím-ekan ńnyín a-man n echi banet ḿbé mbe ne bubong ba-chîjá bubong, a-tông to banet ḿbé baa/kwâa byěm kiǐfáng

Wǎn ejí, *dabángê banchi byibî ba-nîm ǒ*.

Atím-ekan nyí Otu Sólómon, mú wǎn-Otu Dívit, mú otu mú Ézerel o/tím, nyí a/chi a-chwáp ǒ a-já bubong ne a-kwâa byěm ne a-nyît kyikû-biǐtí-byiraa. Nyǐ a-man n ǒ etángê eringe nyí adakyú dyikpen ńdyí onet mú mu ne bubong ne eringe nyí adachi kanong. A-man n echi onet mú o*da/nyît ne chwǒm* o-já bubong, ne a-tángê e byisat ńkyí badachi.

Nkéré ámu kâng nké ben ba/chi ba-kó bubong, nké me mm*ba/chi n-faa běn ojá*. Ben ba/chi ba-kyé mě ké kángkáng byikit, nké baa*ba/chi ba-ri mě*. Ké nǎ, ben bubong bu-sa ng běn kafâ, ne ben kángkáng nkéré bamu ba-né ng echi ńkyí Óburúkpâbí o/sét.