Popular Bible Verses from Jeryimáya 23

Share

Onet o*fí mú odaman erem ké kyikit ńkyí me mm*man ǎ eri*. Ben ba*fí ba-nyît ng ba/fu, me mu ké kángkáng byikit*? ké bubóng ne ké ejíí*?

Óburúkpâbí o/raa o/fu, nkéré mu o-bâ mú n/chi n-fîm otu mú onong ké kyikû-banet ńkyí Otu Dívit. Otu ámu o/chi o-byí wǎ kyicat-kyichí o-kyú onet-dyishí mú mu ne bubong, ne o/chi o-chi ńkyí nkyi kanong ne ntûntû ké esí emúmú. Ké nkéré mú nyǐ o/chi o-firi otu, chwǒm kii*ba/chi kyi-chîchi banet ḿbé Júda* ne banet ḿbé Ézerel ba/chi ba-firi ké bunyîn-dyityém. Ba/chi ba-kû ǎ ekó Óburúkpâbí mú mu Onet-Onyii eten.

Jeryimáya o/sét o/fu, mpan mú Óburúkpâbí o/chi o-bên kanong kanong ne batu ḿbé mbe ba-bên n banet emen, ba-chi i kámbé ba-pwôo ng byiryibyiryi.

N/chi m-kpî kyicê-banet ejí ké eshê nyí m/mû n/chi kámbé ba-pwôo byiryibyiryi, m-bwa ne mbé ké oshê mú ba/fím. Mbé ba/chi ba-fwon bwǎn chwóó ba-chi burwám ebe bu-jê. N/chi n-fîm batu ḿbé ba/chi ba-kûtún kámbé. Banet ejí baa*ba/chi ba-chîshî bushî* ne [me to mm*ba/chi n-chîkye kámbé busông*.] Me Óburúkpâbí nké n/raa.

Óburúkpâbí mú o/rêe o-shwôm o/raa ne banet ḿbé Jerúsélem o/fu, *da n̂g echi ba-fwôo atông ké ńkyí bamkpábé ḿbé badasét byiraa ejí mbe ba-sét ng*. Mbe ba-chi i běn ba-kûtî ekabe nyí e*fí ké kafâ*. Mbe ba-sét ng běn ńkyí mbé baa/kabe mbé bayén, *chí ńkyí me n/sét*.