Popular Bible Verses from Azáya 9

Share

Ké nǎ, baa/fwon bě wǎn. Baa/kye bě wǎn-onyinchéng, ne nyǐ o/chi o-kyú bě otu. Ba/chi ba-kû ǎ ekó [Kiǐtí-]Nkye Bacê, ne Osówo mú o/rêe o-shwôm, ne Bonchí mú ne Banyá, ne Wǎn-Otu mú Bunyîn-Dyityém.

Banet ḿbé ba/cen ké kyifip baa/ri kiǐtí-kiinwángé. Mbé ba/kyú ké esí nyí biǐríribí, nké kántîk kiinwángé kyi-kú kyi-san n kámbé ké byiko.

Busa ḿbú butu emen bu/chi bu-kán bu-ca kashú. Butu emen bu-waa ng kángkáng nkéré ké bunyîn-dyityém. Nyǐ o/chi o-kyú otu wǎ onet mú o/chi o-kúng kyikit ńkyí Otu Dívit. O-kúng busa emen o-tî ké byěm ḿbyí byinong ne ḿbyí ntûntû echi, kyi-fím kántîk ne ne banyá. Óburúkpâbí mú o/rêe o-shwôm o/fu, nyǐ o-man o-chi ḿbyín kángkáng.

Okwâ o/chi o-shí ékpúkput nyí basúja ḿbé mbe ba-bâ ne byití ne byídí ebe to ḿbyí byi/firi baróng bárong.

Bukwóp bu*fí kámbé ḿbú badafem ké nkéré mún mú afaníkong*. Ké nkéré obónge, ba/wuri esí nyí byikim-banet ḿbyí Zébélon ne Nafatályi éshwân, nké ofê o/chi o-bâ ké nkéré mú mu o-bâ ké kashú o-kâm esí ńnyín, kyi-fím ké baya ḿbé badakó Medeterényan, kyi-ribi ké kyicê ńkyí esû edabyí, ké esí nyí bukô-kace ńké badakó Jódan ḿbú áku, tete kyi-ribi Gályílyi oyén mú bacinbánet mbe ba-kyú u.

Óburúkpâbí, [wo aa/kye kámbé kiǐtí-bunyîn-dyityém.] Aa/chi kámbé ba-firi ké bunyîn-dyityém. Mbé mbe ba-jêe ng ké ńkyí wo aa/chi wǎ eringe banet badajêe ké nkéré ba-kú ba-fuu ng byiryíng nang ké nkéré mú ba-kú ba-kyii ng esang nyí baa/bam banet ba-koo.

Ké nǎ, wo aa/koo dyitû ńdyí dyi/mû dyi-ró ng kámbé ne ochí mú o/mû o-díp ng kámbé ké byikem. Aa/kpógê oshê mú o/mû o-cít ng o-kyâ banet eyên busông, wǎ eringe nyí a/kpógê basúja ḿbé Médyan ké nkéré mú oo/shwôm ké esim.