Popular Bible Verses from Azáya 65

Share

Ne ba-kûman nshwam mú mbe ba-fâ ba-kyâ mě, me n/chi n-kye kámbé ńkyí mbe ba-ryuu ng.

Óburúkpâbí o/raa o/fu, me mu n-chi i esí nyí efyîfî ne bubóng ḿbú bufyîfî. Ba/chi ba-ráp byěm ḿbyí bii/shwôm ké esim kángkáng.

Bǎmkpóngé ḿbé mbe ba-chi i ba/chi ba-byí dyishí, ne bwǎn ebe baa*ba/chi ba-kâm afaníkong*. Me n/chi n-jware kámbé ne bwǎn ebe ké kángkáng nkéré mú mu o-bâ.

Banet ba/chi ba-bi byise ba-kyú ké mbyí mbé bayén. Onet o*fí mú o/chi o-koo kámbé kámbyí*. Ba/chi ba-kwón byichí ba-jwáp bato ebe. Banet bakíri baa*jwáp*. Banet ejí ba/chi ba-kyú akpen nyí badarí wǎ byichí. Mbé ba/chi ba-ryí byěm ḿbyí baa/chi ba-tî kanong kanong.

Bwǎsíng baa*kpú to ne dyikwá* ne kángkáng banet ba/chi ba-kán ba-kâa ne ba-kpú. Banet ḿbé baa/rí bajam-aje batánge ba/chi ba-fu kámbé ba/fu, ba/tôong byisat. Â banet ba/kpú ne aje ányi a-fyi kyi/chi kyi-tông kyi/fu, me nké n/kye kámbé busông.

Ekpang ne bwǎn-ebû e/chi e-kûryí baryî kyikit kyibónge. Ekpang e/chi e-ryí biǐbyâa wǎ eringe nyí bampong mbe ba-ryí i. Ne efyi ee*ba/chi e-chînémê onet*. Chwǒm kyi*fí ńkyí kyi/chi kyi-chi onet chwǒm ké kaku-ociring ejí ńké Záyon*.

Me oyén bunyîn-dyityém bu/chi bu-sú mě ké bubwô ḿbú Jerúsélem ne banet emen. Bukyû etii boo*kyú ké mǔ*. Onet oo*kó o/fu, bachwáp ǎ*.