Popular Bible Verses from Azáya 60

Share

Bûu, ǎ Jerúsélem, a-san wǎ óbyísû. Busan ḿbú Óburúkpâbí ḿbú ragerage mbu bu-san n ǒ ké byiko.

Eshê ányi e/chi e-kûbê ké kiinwángé eyên, batu to ba-kûbê ké dyicí eyên ńdyí dyidacé.

Kyifip kyi/chi kyi-cít eshê nyí ee*nyît Óburúkpâbí*. Nké wo, kiinwángé ńkyí Óburúkpâbí kyi/chi kyi-san ǒ ké byiko. Busan emen ḿbú ragerage bu/chi bu-kyú ne wo.

Nang kyikû-banet eyên ńkyí kyi*da/jê* kyi/chi kyi-firi wǎ oshê mú mu ne busa. Ké nkéré mú ochíchí-nkéré oo/fyi, me n/chi n-chi ńkyín kyi-chi babap. Me n-chi i Óburúkpâbí.

Esû ee*kyú to kiinwángé eyên ńkyí esû* nang otukáku oo*kyú to kiinwángé eyên ńkyí buchú*. Me Óburúkpâbí n/chi n-kyú kiinwángé eyên ńkyí ne banyá. Kiinwángé ńkyí busan ejí ḿbú ragerage kyi/chi kyi-san ǒ ké byiko.

Ací eyên nyí bafip a/chi a-man. Me Óburúkpâbí n/chi n-kyú kiinwángé eyên ńkyí ne banyá, ńkyí kyi/chi kyi-rí kyi-shwôm óbyísû ne otukáku.

Wo a/chi a-ri ńkyín a-jêe. Wo a/chi a-kûjêe, a-tím m banê. Ba/chi ba-yip esang nyí ké eshê nyí ee*nyît Óburúkpâbí* ba-bâ ǒ ne nyǐ. Esang ebe e/chi e-nyáng baya ḿbé baryên e-bâ.

Tún achi ké byiko eyên a-ri ńkyí nkyi kyi-chi i. Banet eyên ba-kú ba-kpá ng byiko ḿbyí badafyi. Bwǎn eyên ḿbé banyinchéng ba/chi ba-fím tíbítíbí ba-fyi. Ba/chi ba-yip bwǎn-banyinyi eyên wǎ boǒbwásíng.

Banet eyên kángkáng ba/chi ba-chi ńkyí nkyi kanong, ne esí nyí n/ryí kámbé ocím e/chi e-já kámbé ne banyá. Me nké n/kwón kámbé wǎ osu-kyichí, n-chi kámbé n/fu, batông kángkáng banet eringe nyí me mu kiǐtí.

Banet baa*jwo to ejá nyí bunwa*. Chwǒm kii*bên to oshê eyên*. Me n/chi n-ku ǒ ké afaníkong, m-bwom ǒ ké esim wǎ ekpe-kyise. Wo a/chi a-kpee mě, ké nǎ, me nn/nyii ǒ.

Afyi eyên a/chi a-waa fúú buchú ne esû eringe nyí batu ḿbé eshê nyí ee*nyît Óburúkpâbí* ba/chi ba-bâ ǒ ne esang ebe.

Banet ba/chi ba-fím Médyan ne Éfa ne boonyam-atû chwóó ba-bâ. Ba/chi ba-fím Shéba ba-bâ ne gûl ne burwan. Banet ba/chi ba-sét bǎmpém ḿbé banong kyi-kim ne ńkyí Óburúkpâbí oo/chi.

Óburúkpâbí o/raa ne Jerúsélem o/fu, bacinbánet ba/chi ba-bwât ekpe nyí e/wáp ǒ e-fé ké kafâ ba-bi, ne batu ebe ba/chi ba-kyú bǎmgbán eyên. Me n/kye ǒ busông ké kiikuku. Nké kántîk, n-tông ǒ kanong ejí, n-ri ǒ bafip.

Wo aa*ba/chi a-chîsa banet kafâ* ba-né ǒ*. Aa*kyú to oshê mú baa/dim ba-mîng kámú*. Me n/chi n-chi ǒ a-kûnwa, a-firi kiǐtí, ne kyikit ńkyí bunyîn-dyityém ḿbú ne banyá ne banyá.

Eshê nyí ee*nyît Óburúkpâbí* ne batu ebe ba/chi ba-tún ǒ wǎ eringe nyí boné odakye wǎn emen abî. Wo a/chi a-nyît a/fu, me Óburúkpâbí nn/nyii ǒ. A-nyît to a/fu, Osówo mú kiǐtí mú Ézerel nké mu o-chi i běn ba-firi ké byiko enen.