Popular Bible Verses from Azáya 51

Share

Óburúkpâbí o/raa o/fu, me nké mu n-fâ běn busa. Ebóng ben bamu ba-shî ng onet mú odakpú, mú o*fí o-rí i o-shwôm biǐbyâa*.

Me nké [m/paam] bubóng, n-sím byikwap ḿbyí byidaníbî ejíí n-fé kyísí. Me mu n-sét ng Jerúsélem n/fu, ben ba-chi i banet ejí. Me nn/tángê běn byiraa ejí, ne mu n-yip ng bubwô ejí n-ku ng běn ké afaníkong.

Ben mú bamu ba-nyît ng ńkyí nkyi kanong, fwôo n̂g atông ba-jwo mě, mú baa/kúng byiraa ejí ḿbyí n/tángê běn ba-fé ké atyém. *Da n̂g echi ba-shî* â banet ba-kú ba-jwó ng běn* ba-kyâ běn edángé*.

Me n/chi n-ri Jerúsélem ne kángkáng banet ḿbé mbe ba-kyú u ké biǐbwô-byise emen bafip. Nang ké esí nyí Jerúsélem nyi kyikim-dyikán, me n/chi n-chi kányí e-firi kyifát, wǎ kyifát ńkyí n/chi ké Édin. Bunyîn-dyityém bu/chi bu-kyú ányi, ne banet ba/chi ba-kwán ekwan-akpee ne asǎma ekó ba-kye mě.

Banet ḿbé wo aa/nyii kámbé ba/chi ba-ribi Jerúsélem ne bunyîn-dyityém, ba-kûjêe ba-wonge e ba-kwán n ekwan. Ba/chi ba-kyú ké bunyîn-dyityém ne banyá, ba-fem to ké bafip ne afaníkong ne banyá.