Popular Bible Verses from Azáya 33

Share

O-chi oshê o-chee beem. Kángkáng nkéré nyǐ o-ku ng banet emen ké afaníkong ne o-kyâ kámbé byinyídíng ne byěm enyît. Chwǒm ńkyí kyi/rêe kámbé kyi-shwôm ányi ofê mú bada ǎ ekye.

Óburúkpâbí, ri bě bafip. Be byi/tî achi eten ne wo. Ku bě ké afaníkong kángkáng dyicí a-nyii bě ké bankéré-afaníkong.

Kángkáng bubóng-bǎnsukyíkang ámbe mbu dyikáá. Byídí ebe bii*paam*. Byi/chi byi-koo kángkáng esang nyí basúja-banet-bushwôn eten ne esang ányi e/chi e-jê kanong kanong nyí nang bankwa ba/chi ba-já kyicê. Óburúkpâbí oyén o/chi o-kyú Otu eten. Nyǐ o/chi o-tún bě, o-ku bě ké afaníkong.

Onet o-man n efem â o/raa o-chi ńkyí nkyi ké bukwóp ḿbú bunong. *Dachi a-yip busa eyên a-ryí banet-kyikpu bampún* ne *dachi a-koo bangu*. *Dachi a-cibi ne banet ḿbé mbe ba-cibi ng ba/fu, mbé ba-ju ng banet* nang ḿbé ba/fu, mbé ba-chi i byibî-byěm*. Â a*da/chi éné* a/chi a-fem. Wo a/chi a-kyú afaníkong aa*chi* wǎ amu ké kyikit-dyirem ńkyí kii*nwa ebú*. Wo a/chi a-kyú ne byiryíng ḿbyí adaryí ne omu mú adajwáp.