Popular Bible Verses from Azáya 11

Share

Busun ḿbú Óburúkpâbí bu/chi bu-kye ǎ byinyídíng chwóó ne busa ḿbú odatún banet emen. O/chi o-nyît okabe mú Óburúkpâbí o-kye ǎ ofê, ne o/chi o-kûchi ńkyí Óburúkpâbí oda ǎ esét ne bunyîn-dyityém. Oo*ri onet ké achi o-jwo ojwo ójwo o-pan onet ámu mpan*.

Kyikû-butu ḿbú Otu Dívit nkyi wǎ kyichí ńkyí baa/twom, nké wǎ eringe nyí byicat byidatím ké kyikû-kyichí, éné to nké otu mú ofyîfî o/chi o-byí ké burwám-bwǎn-Otu Dívit.

O/chi o-pan banet-byikpu mpan mú onong, o-kye banet ḿbé ba*fí ne busa* ńkyí kyi/já kámbé. Ké busa ḿbú o/chi o-kye, ba/chi ba-kye banet busông, ne byibî-banet byi/chi byi-kpú.

O/chi o-tún banet emen ké bukwóp ḿbú ntûntû, oo*ryí acît*.

Kyibî-chwǒm kii*ba/chi kyi-kyú ké kaku ńké Záyon* ńké nke kaku-ociring ńké Osówo*. Esí e/chi e-sú ne Óburúkpâbí enyît wǎ eringe nyí omu odasú ké baya.

Ekpang ne ebû e/chi e-kyú kyikit kyibónge ké bunyîn-dyityém, ne ekpang e/chi e-rí kyikit kyibónge ne bwǎn-ebû. Bwǎn-bampong ne bwǎn-ekpang ba/chi ba-kûryí baryî kyikit kyibónge, ne bwǎsíng ba/chi ba-kûtún kámbyí.

Dyicí ndyi dyi-bâ ńdyí otu mú ofyîfî mú o/fím ké kyikû-butu ńkyí Otu Dívit o/chi o-kyú ekap nyí banet. Ba/chi ba-cibi ké oshê-butu emen ba-kye ǎ ofê.