Popular Bible Verses from Ekyilyizátes 9

Share

Nang ebóng ńkyí amu a-chi i chi kánkyí a-fé busa, ké nǎ, ké oshê-bakúsí mú mu kyikit ńkyí amu a-wâa ng, bǎmkpóngé ba*fí* okabe o*fí* byinyídíng byi*fí* nang bubong bu*fí*.

Me n/ri chwǒm kyikíri to ńkyí n/fu, ké ejíí ńnyín bankwâng ochéé baa*kpógê ochéé kángkáng nkéré* ne bankân byití baa*kpógê byití kángkáng nkéré*. Banet ḿbé mbe ne bubong baa*já chwǒm kángkáng nkéré ńkyí badaryí*. Banet-bubong baa*já esang kángkáng nkéré* ne banet ḿbé badaman echi byěm baa*já biǐtí-byikit kángkáng nkéré*. Dyishí dyi-bên n nang yeě.

Kyú ké bunyîn-dyityém ne onyinyi mú mu o-jê ng ǒ, ké a/tôong okpó ké dyikpen ńdyí dyi*da/byí chwǒm* ńdyí Osówo oo/kye ǒ ké ejíí ńnyín. Kyú ké bunyîn-dyityém kángkáng ací nyí dyikpen eyên, ké nǎ, ńkyí adajá ké bǎmkpóngé eyên kyi/man éné kángkáng.

Ca kashú a-ryí byiryíng eyên ne bunyîn-dyityém, a-jwáp bato eyên ne bunyîn-dyityém to, ké nǎ, Osówo oo/bángê ne ńkyí amu a-chi i.

Bubong mbu bu-chi i kanong bu-shwôm byiyám-byití, nké nchi byibî obónge o-man n ebên byěm ḿbyí kanong echi chwóó.

Nkyi kanong ńkyí adafwôo atông a-jwo byiraa ḿbyí degere, ḿbyí onet-bubong, kyi-shwôm ényân nyí onet-dyishí ké ncibi mú enyam-banet.

Ké nǎ, banet bakpó mbe ba-nyît ng ba/fu, mbé ba/chi ba-kpú, nké bakúsí baa*nyît chwǒm nang kyibónge*. Mbé ba*fí to ne eyáré akíri*. Baa/ráp kámbé kángkáng.