Popular Bible Verses from Ekyilyizátes 8

Share

Ké bubwô ámbu, me m/bángê n/fu, onet otî byiko emen ké bunyîn-dyityém, ké nǎ, bunyîn-dyityém ḿbú nyǐ mu ne mbú ké dyikpen ńdyín bu*fí* kyi-cibi ne aryî eryí ne bato ejwáp ne byiko emen etî ké bunyîn-dyityém*. O-man n echi nang ńkyín nkyí nkyi â o/kûchi bǎmkpóngé ké dyikpen ńdyí Osówo o/kye ǎ ké ejíí ńnyín.

Nang nchi byibî mu o-chi i byibî kampén bujam, o-kpen n o-câ, me mu n-nyît ng ké ntûntû n/fu, kyi/chi kyi-ca kanong ne banet ḿbé mbe ba-chi i ńkyí Osówo o/sét, ké nǎ, mbe ba-shî ng ké bushú emen.

Nang ebóng chwǒm nkyi ne nkéré mú onong ne bukwóp ḿbú bunong ḿbú badachi kánkyí, nké be byimu byi-nyît ng kaǎnyín.

Onet o*fí mú odafem bukyû ekpú* o-kibi nang dyicí ńdyí nyǐ odakpú*. Ányi byití ḿbyí be bii*man efem* ne nang kyibî kii*man bě echwáp byi-ri bukwóp*.

Ebóng ńkyí banet mbe ba-jang ng echi byibî. Ké nǎ, ba*fí ba-kyâ banet busông babap* ké byibî ebe*.

Nké ńkyín kyi*fí ké kafâ*. Ri ńkyí nkyi kyi-chi i ké ejíí. Mpén okíri, banet ḿbé mbe ba-chi i kanong mbe ba-já ng busông ḿbú bambên atyém, bambên atyém ba-já ng eyáré nyí banet ḿbé mbe ba-chi i kanong. Me n/fu, kyi*fí kyi-nwa ng*.

Onet o*fí ké burwám eten mú mu o-nyît ng ńkyí kyi/chi kyi-chi* ne onet o*fí mú oda bě esét*.