Popular Bible Verses from Kolóshan 2

Share

Ké eringe nyí ben baa/koo Jisos Karâs wǎ Otu Kyítá, kyú n̂g ké ocibi ne nyǐ. Fé n̂g eriri enen kyísí ne nyǐ, ba-nap akpen enen ne nyǐ, ne ba-firi shwaneshwane ba-shwôm ké dyityém enen ńdyí ba/fé ne Karâs wǎ eringe nyí ba/mû ba/tángê běn. Ne atyém enen asú ne asǎma ekó.

Bám m̂ byiko enen kâng, eringe nyí onet nang obónge oo*ba/chi o-nîm běn ne ekabe nyí banet nyí e*da/tíbî* ne e*fí ké kafâ* nyí e/jêem busi ké otánge mú banet ḿbé kpákpá ne ké busa ḿbú byibî-bací ne ḿbú bukye nang burá* ké Karâs.

Ben ba/mû baa/kpú ké basun, ké bubwô ḿbú byibî enen ne ké bubwô ḿbú ben baa*chi banet-Jûs* ne ba/mû ba*fí ba-nyît ng byije ḿbyí Osówo*. Nké kántîk, Osówo oo/chi běn ba/firi ké dyikpen ne Karâs. Osówo oo/pwoo bě ké kángkáng byibî eten. Oo/byiryi ńkyí nyǐ o/mû o/sáng kyi-kim ne afwá nyí byibî eten ne byije to ḿbyí mbyi ké nyǐ, ne oo/ráp kyi-kim ne nyǐ ne dyityém emen ké omân mú o/mán kánkyí ké kyikwap ńkyí ba/shwân Karâs ne o-kpú.

Ké nǎ, ké byiko ḿbyí Karâs byimúmú nké Osówo mu o-kyú u. Ne Osówo oo/kye běn dyikpen kerededet ké ocibi enen ne Karâs. Nyǐ o/rêe o-shwôm kángkáng byibî-barím ne byibî-bací.

Ké bubwô ámbu, onet o*dachi o-chi byije kyi-kim ne ńkyí ben badaryí* nang kyi-kim ne ńkyí badajwáp* nang kyi-kim ne ací-ociring* nang kyi-kim ne dyijî-kyifen ńkyí otukáku mú ofyîfî* nang kyi-kim ne dyicí-ékwâbashi enen*. Kángkáng azong-byěm ányi a*fí chwǒm kyikíri* kyi-cibi ne biǐríribí-byěm ḿbyí ké nkéré mú mu o-bâ*. Karâs nké mu ochíchí-chwǒm.