Popular Bible Verses from Âak 5

Share

Pyíta ne banet-kyitwóm-Jisos ḿbé áku ba-faa kámbé ba/fu, be byi-man byi-chi ńkyí Osówo o/sét bě, *chí ńkyí banet bada bě esét*.

Ne kángkáng dyicí ké kafâ-kiǐtí-kyise-kyifen-Osówo echi ne ké byise-banet, banet-kyitwóm-Jisos ba*da/mîng banet etángê* ba-sét ng kámbé Bǎmpém ḿbé Banong kyi-kim ne Jisos mú Osówo o/kúng ǎ butu*.

Pyíta o-raa ne Ananyâs o/fu, Ananyâs, ebóng a/mîng Sátan o-nung ǒ ké dyityém, o-chi ǒ a-sét kyisédéng a-bât Busun-Osówo ké kyicê-akpuga ńkyí a/shee kyifát, ńkyí a/yip a-tî ké esim. Ne wo a-kûshee kyifát ánkyi, kyifát ánkyi kyi/mû kyi/já ǒ. Nang ké nkéré a/shee kánkyí, akpuga ányi a/já ǒ. Ebóng kâng ńkyí wo a/kabe ké dyityém eyên a/fu, wo a-chi i dyizong-chwǒm ándyi. Wo a*da/sét kyisédéng ńkyín a-bât banet* nké a/sét a-bât Osówo. Ananyâs o-jwo ng byiraa ḿbyín o-bâ, o-myii kyísí o-kpú. Bushî bu-róng kángkáng banet ḿbé ba/jwo kánkyí.

Me mu n-sét ng běn kántîk kyi-kim ne kyiraa ńkyín n/fu, *da n̂g echi ba-kúng bukwóp ḿbú badachi kámbé kyibî*. Mîng n̂g kámbé, ké ebóng, â okabe ne bǎmkpóngé ebe ḿbén mbyi chwǒm ńkyí kyi/fím ne onet, kii*byí dyishí*. Nké â kyi/fím ne Osówo, ben baa*ba/chi ba-man ekpógê kámbé*. Ba-man n eri ké nkuli kyikû ba/fu, ben bamu ba-nwa ng ne Osówo. Banet-esuk ámbe ba-koo bacê ḿbé Gamályel o/kye kámbé.