Popular Bible Verses from Âak 4

Share

Banet enyii ba-fím m ké bubwô-Jisos kǎnchí. Ké ebóng, onet okíri o*fí to ké ejíí* mú Osówo oo/yip dyizîn emen o-kye banet* mú be byi/chi byi-cen ké bubwô emen ne Osówo o-nyii bě*.

Ké nkéré mú ba/man nshwam efé, kyikit ńkyí mbé ba/mû ba/kyú kyi-náng. Busa ḿbú Busun-Osówo bu-nung kámbé ashí kángkáng ké byiko, ne ba-kpet esét banet kyitwóm-Osówo ba*da/shî achi-onet*.

Kántîk kâng, ǎ Otu Kyítá, kabe kyi-kim ne bushî ḿbú mbe ba-fâ bě, a-kye bě be bǎmgbán eyên busa ḿbú byidasét kyitwóm eyên ne dyityém ńdyí bii*ba/chi byi-shî achi-onet nang obónge*.

Jisos nké mu onet mú ejá-Osówo nyí ba/sáng kyísí e/sét kyi-kim ne nyǐ e/fu, ochíchí-buká ḿbú ben bambi kyise ba/né ba/fu, boo*nwa* bu/bwa bu/firi kiǐtí bu-shwôm aká nyí áku kángkáng.

Banet-esuk ḿbé ba/mû ké esuk nyí eryên nyí banet-Jûs ányi ba/waa ocím ké dyishí fúú ńdyí mbé ba/ri Pyíta ne Jǒn ḿbé ba*da/byí banet* nang nwet to ba*da/nyît* ké mbe ba-raa ng ne mbé nang achi ebe ba*fí ba-shî ng*. Ne ba-nyît kâng ba/fu, ḿbé mbé ba/mû ba-cen n ne Jisos ké kyikû.

Burwám-banet ḿbé ba/bángê ké Jisos ne atyém ebe ba/mû ne okabe obónge ne dyityém dyibónge ne barî. Onet o*fí nang obónge mú o/fu, nang ebóng chwǒm ńkyí nyǐ mu ne nkyí kyi/já ǎ nyǐ kǎnchí*. Nké mbé ba/kyii barî nang ebóng chwǒm ńkyí ba/mû ne nkyí.