Popular Bible Verses from 2 Koríntyan 4

Share

Ké ebóng, be byimu byi-tî ng achi eten, *chí ké byěm ḿbyí banet mbe ba-ri ng* nké ké ḿbyí banet ba*fí ba-ri ng*. Ńkyí banet badaman eri kyi-kyú u ké kaǎnyín-nkéré, nké ńkyí baa*man eri* kyi-waa ng ne banyá.

Ké bubwô ḿbún, be bii*ba/chi byi-jwâa asa*. Nang ké enyam-byiko eten nyi e-kâa ng e-câ, nké Osówo mu o-bwât ng atyém eten a-bwa nyí afyîfî kángkáng dyicí. Ne kaǎnyín-afaníkong ńkén ńké kaa*bwon* ńké byimu byi-ri ng ka/chi ka-bâ bě ne kiǐtí-akpee nyí ne banyá, nyí a/rêe a-shwôm afaníkong ányi.

Be byi-fwam m ekyú ké afaníkong, nké a*da bě eku*. Ntáng okíri, atyém eten a-kyú u bě yógeyóge, nké byi*fí byi-zú ng dyityém*. Banet-bushwôn ba/jê chwóó, nké be byi*fí byi-kaa ng bucín*. Nang ké mbe ba-némê e bě kanong kanong ké ntáng okíri, ba*fí ba-ju ng bě*.

Nké be mú byimu ne ntûntû mún mú o/fím ne Osówo, byimu wǎ butí-ecing, eringe nyí kyidatông kyi/fu, busa ḿbú kiǐtí bu/já Osówo, bu*da bě ejá be*.

Mbé ba*fí ba-bángê e* ké ebóng, kyibî-osówo ńkyí ejíí ńnyín kii/yip atyém ebe kyi-tî ké kyifip. Kyibî-osówo ánkyi nkyi kyi-ku ng kámbé kyi/fu, ba*dachi ba-ri kiinwángé ńkyí nkyi kyi-san n kámbé ké byiko*. Kiinwángé ńkyí nkyi kyi-fím m ké Bǎmpém ḿbé Banong kyi-kim ne busan ḿbú ragerage ḿbú Karâs mú mu kerededet wǎ Osówo.

Osówo mú o/sét o/fu, kiinwángé kyisan ké kafâ-kyifip, nké mu Osówo ámu obónge mú o/chi kiinwángé emen kyi-san ké atyém eten, eringe nyí o/chi o-kye bě kiinwángé ńkyí byidanyît busan emen ḿbú ragerage, ḿbú mbu bu-san n ké bushú ḿbú Karâs.