Popular Bible Verses from 1 Tyímótyi 6

Share

Kan byiko a-zóngê kanong ké ochéé mú dyityém efé ne Karâs, eringe adakoo dyikpen ńdyí ne banyá a-kye byiko eyên. Ké nǎ, kyi/mû ké dyikpen ńdyín nké Osówo o/kó ǒ ké nkéré a/sét kanong kanong ké bushú-banet chwóó kyi-kim ne dyityém eyên ńdyí a/fé ne Karâs.

Ké nǎ, ké kyijé ńkyí akpuga nké kángkáng byibî-byěm mbyi byi-fím m. Banet bakíri baa/tánê ké dyityém ebe ńdyí ba/fé ne Osówo, ne bafip baa/bên atyém ebe, ké nǎ, mbé mbe ba-jang ng eryuu ba/fu, mbé bajá akpuga.

Ékwâbashi nyí Karâs e-chi i onet o-firi nfang-onet, â onet ámu mu o-nyît ng o/fu, byěm ḿbyí nyǐ mu ne mbyí byi/kwárê ǎ.

Ebóng chwǒm ńkyí be byi/bê ne nkyí ké ejíí. Chwǒm nang kyibónge kyi*fí*. Ebóng chwǒm ńkyí be byidaman eyip ké ejíí byi-dim ne nkyí. Chwǒm nang kyibónge kyi*fí*.

Sét banet ké busa ḿbé mbe banfang-banet ké byěm ḿbyí ké ejíí ńnyín a/fu, ba*dakûtông byiko* ne bakûtî atyém ebe ké Osówo mú mu o-kyâ bě kángkáng byěm dyikáá ḿbyí byidakyú ké bunyîn-dyityém, *chí ké efang* nyí ee*kyú*.

Nké banet ḿbé mbe ba-ryuu ng ba/fu, mbé ba-fang ng, ba-róng ng ké okan ne ké abwô nyí byibî ne enyam-ekabe nyí nyi e-tín n banet e-fâ ké bukyû ne busông ḿbú ne banyá.

Sét kámbé ké busa a/fu, bakûchi kanong, ba-kyú banfang-banet ké bǎmkpóngé ḿbé banong, ba-cángê dyityém, ne bakpá byiko ḿbyí badakûkyii byěm ne barî-banet. Ké bukwóp ḿbún, mbé ba/chi ba-nap esang ba-tî byiko ebe nyí e/chi e-kyú kiimkpet kyikû ńkyí shwaneshwane ké nkéré mú mu o-bâ. Ne mbé ba/chi ba-man ekoo ochíchí-dyikpen.