Popular Bible Verses from RUM 3

Share

amung-amung lemulun pangeh nenganau' sala', pad ideh mado ratnan Allah luk miak ngulun nedeh. Amungdeh ruen matu ratnan katu Allah luk barén mo'-mo' ngaceku ratnan uli' luk bang Keristus Yésus.

Lemulun ruen Allah matu ngaceku manu inan Yésus Keristus, ieh ineh amung lemulun luk manu, ngaceku na Ieh mili' ayu lemulun

Allah nemaré AnakNeh mangun ku aceh dalan pedo', ngaceku manu inan dara'Neh, pad ngegala' luk matu ratnan Allah, ngaceku dengan ulai niatNeh Ieh nemaré do' ratnan sala' luk inau' lemulun atun. Ieh pian ngegala' siriNeh bang kareb ini teh, pad ngegala' ratnan Ieh sebuleng luk matu, idi Ieh nganau' lemulun luk manu inan Yésus matu.

Ngaceku seburur pana' nateh luk ruen matu pa kiung Allah ratnan nganau' Ukum ineh. Iamo' ratnan Ukum Musa lemulun miak kali' ratnan sala'.

maya' kudeng luk inayud ini: “Idi na luk idi seburur pana' luk matu, na luk idi lemulun luk kali' ilungneh, idi luk nakap Allah. Amung lemulun pangeh neteketed ratnan Allah; amungdeh pangeh neraruh; na luk idi lemulun luk nganau' luk do', seburur pana' nateh!”

Ngaceku ineh tau kali' idi lemulun ruen matu ratnan manu, baken ratnan nganau' Ukum Musa.

Na tu-tu! Ngaceku Allah ineh matu, sagan pana' amung-amung lemulun mebalih, maya' kudeng luk inayud ini: “Nima' balaMu uen ngegala' matu, kareb Iko pebala, idi Iko miak metueh, kareb Iko uen lemulun ngesala'.”