Popular Bible Verses from BALA LUK LINIO 5

Share

Idi ideh menani aceh nani luk mebaruh, unineh, “Iko mayu miak ngalap surat ineh, idi ngelesad etuneh. Ngaceku Iko pangeh kirat, idi dengan dara'Mu Iko nenguli' lemulun kuan Allah ratnan anid-anid babpat, buri', inul, idi pupu.

Ideh menani dengan uni tang luk rayeh, “Anak Dumba ineh luk kirat ineh mayu miak ngalap lalud idi mula' binaweh, ileh, idi tueh, dita', rayeh, idi ubur!”

Iko pangeh nenganau' nedeh mangun ku aceh imet imam-imam kuan Allah tau, idi ideh miak ngimet tana' ini.”

Idi ui ninger teh anid-anid pudut luk bang surga, idi luk bang tana', idi luk pa liang tana', idi luk bang abpa' rayeh, idi amung-amung luk bangneh ineh pebala, “KuanNeh luk tudo luun kerusi raca', idi kuan Anak Dumba ineh inan ubur, dita' rayeh, idi lalud, macing ruked-ruked!”

Idi inan seburur rat arang amung-amung lun rayeh ineh nepebala negku, “Aleg nangi', siruh, Balang luk ratnan pupu Yahuda, ieh ineh Uat Daud ineh, pangeh nengalap tueh pad Ieh miak ngelesad surat idi narak tudu' etu ineh.”