Popular Bible Verses from BALA LUK LINIO 13

Share

Pad kali' ilung ini, na miak na inan ileh. Lemulun luk inan ileh, do' ieh ngiap kinula' iap pung ineh; ngaceku kinula' iap ineh ngadan lemulun. Idi kinula'neh, ieh ineh 666.

Amung-amung lemulun bang tana' ini miak sembayang neneh, ieh ineh luk ngadanneh na inayud rat pun-pun tana' ini pinudut, bang surat ulun Anak Dumba luk kirat ineh.

Ieh nengecuk amung-amung lemulun, isuut idi rayeh, lun do' idi lun masi', luk pinuit idi demulun, pad aceh tanu' uen ngerareng nan ticu'deh pa tinueh idi nan madu'deh pana'. Seburur pana' na miak masui idi melih kudeng na inan tanu' ineh, ieh ineh ngadan pung ineh idi kinula' iap ngadanneh ineh.

Idé lemulun luk litep miak tebanen, kali' rungen ieh miak tebanen; idé lemulun luk litep pitayen ku pelapet, kali' rungen ieh pitayen ku pelapet teh. Ngaceku ineh na miak na pupu Allah tuman idi manu.”

Idi ui nenier aceh pung neremuat rat bang abpa' rayeh, luk inan pulu' unga idi tudu' uluh, idi nan unganeh ineh inan pulu' pata, idi inayud luun anid-anid uluhneh inan ngadan kuyo.

Ieh sinima' munu' amung-amung luk manu pad ieh nengelaya' nedeh, idi pangeh biré kuanneh lalud pa luun anid-anid babpat, inul, buri', idi pupu.

ieh nenaluk amung-amung luk tudo bang tana' ini ku mula' tanu' luk biré kuanneh dengan lalud nganau' amung-amung luk kudeng ineh pa kiung pung ineh. Ieh ngecuk uang tana' ini nganau' akang kuan pung luk pangeh inurat ku pelapet iamo' mulun. Idi pangeh biré kuan pung luk kedueh ineh lalud miak maré niat kuan akang pung ineh, pad akang ineh miak pebala idi ngaté amung-amung lemulun luk na sembayang neneh.

Ayu pung luk sinierku ineh mepad kudeng kuir, kukudneh mepad kudeng kukud beruang, idi tangneh mepad kudeng tang balang. Idi galau ineh nemaré kuanneh tuehneh, kerusineh, idi laludneh luk rayeh.

Idi pangeh biré kuan pung ineh tang luk mepanu' ku dita' niat idi kuyo, idi pangeh biré kuanneh lalud ngimet apat ngepulu' dueh bulan kinioneh.

Idi ui nenier sebuleng uluhneh ayuneh mepad kudeng pangeh pinaté; iamo' urat luk inanneh naté ineh pangeh nepali', idi amung uang tana' pana' mawa ku pung ineh, idi nemaya' neneh.

Idi ui nenier aceh pung luk baken remuat rat bang tana'. Ieh inan dueh unga luk mepad kudeng unga anak dumba, idi ieh nepebala mepad kudeng galau. Ieh nemakai amung-amung lalud pung luk pun-pun ineh pa kiungneh. Idi tana' ini dengan amung-amung luk tudo bangneh icukneh sembayang inan pung luk pun-pun ineh, luk pangeh dino' ratnan uratneh luk nguit maté ineh.