Popular Bible Verses from BALA LUK LINIO 12

Share

Kinanak-kinanak tau nengelaya' neneh ku dara' Anak Dumba ineh, idi ku bala luk nekali'deh ineh, idi ideh na méi' inan ulun didueh sagan pana' maté.

Idi ui neninger aceh arod déi' surga, luk pebala, “Nekini pangeh macing ulun, lalud, idi Imet Tuhan tau, idi lalud KeristusNeh; ngaceku luk ngadu' kinanak tau pangeh tila', ieh ineh luk ngadu' nedeh pa kiung Tuhan tau tebaco kedangan.

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

Ngaceku ineh, do' mawang niat, O surga, idi amung-amung luk tudo bang namu! Idi mesusa' kuan tana' idi abpa' rayeh, ngaceku Iblis pangeh netemurun kuan medueh dengan usehneh luk rayeh, ngaceku ieh kali' karebneh pangeh mekamu'.”

Idi mangun aceh bunu' déi' surga, Mikail dengan amung-amung melaikatneh pebunu' dengan galau, idi galau dengan amung-amung bawehneh pana' nepebunu'.

Idi galau ineh museh inan decur ineh, idi iné' pebunu' dengan inul decur ineh luk ketecan, ieh ineh amung-amung lemulun luk maya' ukum-ukum Allah idi luk lutep maya' bada' luk matu luk linio ratnan Yésus ineh.

Idi aceh tanu' luk rayeh megala' bang langit, ieh ineh seburur decur luk nengayung ku mateh aco, idi bulan inan pa liang kukudneh, idi nan uluhneh ineh inan pata luk ratnan pulu' dueh gituen. Ieh mali' idi nengitang ngaceku mét idi dereh sikal nenganak.

Idi ieh nenganak seburur anak deléi luk miak ngimet amung-amung pupu dengan rukud belawan, idi anakneh kikem idi inuit iné pa atun Allah idi kerusiNeh. Idi decur ineh pana' neburo iné' su luk ali-ali; idi déi' inan su luk inan luk tinina' Allah kuanneh, pad ieh miak uen ngasa' déi' 1,260 aco kinioneh.

Idi aceh tanu' luk baken pana' megala' bang langit, ieh ineh inan aceh galau luk mesia', luk inan tudu' uluh, idi tudu' unga, idi luun uluhneh inan tudu' pata. Idi iurneh ngeruid sebabpat ratnan teluh babpat gituen bang langit, idi nenala' ineh luun tana'. Idi galau ineh netuped pa kiung decur luk uned sikal nenganak ineh, idi kareb ieh pangeh nenganak, galau ineh miak kuman anakneh ineh.

Idi kuan decur ineh pangeh biré dueh ilad kanui luk rayeh ineh, pad ieh miak temulud amé' su luk ali-ali matun su luk inanneh, ieh ineh su inanneh uen nginita teluh lak setangal kinioneh, mado ratnan mateh menipeh ineh. Idi menipeh ineh nemuput abpa' mepad kudeng aceh bued abpa' rat bang tangneh rat pa keted decur ineh, pad ieh miak uen nganud ku bued abpa' ineh. Iamo' tana' ineh pangeh nengedengan decur ineh, dengan nengukab tangneh idi nenelen abpa' luk pinuput galau rat bang tangneh ineh.