Popular Bible Verses from MARKUS 10

Share

Ngaceku Anak-Lemulun pana' na nacing pad uen ngasa', iamo' Ieh pian ngasa' idi maré ulunNeh mangun ku uli' kuan amung-amung lemulun.”

Idi Yésus nenutong nedeh idi nepebala, “Kuan lemulun ini na miak mangun, iamo' baken kudeng ineh kuan Allah, ngaceku kuan Allah luk amung-amung miak mangun.”

Idi Yésus nepebala neneh, “Nalaniko, anumu pangeh nengedo' namu.” Idi petacu ieh miak nier peh, idi nemaya' Yésus bang lawéNeh.

Ngaceku ineh, luk pangeh tinutup Allah, aleg seburur lemulun matad peh.”

Idi Yésus nenutong lemulun ineh dengan mawa neneh, kebalaNeh, “Sebuleng mo' luk nateh inau'mu, muli' iko idi masui amung binawehmu, idi maré kuan lun masi', pad iko miak ngalap binaweh déi' surga; idi amé' maya' Negku.”

Idi kebala Yésus neneh, “Anunké luk pianmu Negku?” Idi keburi' lun mebuser ineh Neneh, “O Guru, ui mutuh miak nier.”

Iamo' muyuh ini baken kudeng ineh. Kudeng idé luk sikal mangun rayeh rat arang muyuh, do' ieh mangun ku lun ngasa' nemuyuh.

Ngerawé do'-do'! Idé-idé lukna ngalap Imet Allah ineh mepad kudeng anak luk isuut, na ieh miak semuet bang ineh.”

Idi mula' lemulun luk pa atun miak amé pa muci, idi luk pa muci ineh amé' pa atun.”

Iamo' rat pun-pun tana' ini, maya' kudeng luk inayud, ‘Allah nenganau' lemulun deléi idi decur. Ngaceku ineh do' lemulun necan taman-tinanneh idi pamung dengan awanneh, idi didueh ineh mangun ku sebuleng burur peh,’ pad didueh ineh baken dueh burur peh, iamo' sebuleng burur mo'.