Popular Bible Verses from YEREMIA 22

Share

“KebalaKu, Ui ini Tuhan mada' nemuyuh ratnan luk matu idi luk mesiri. Matar lemulun luk uen naluk ratnan lemulun luk naluk neneh. Aleg ngesusa' idi ngedereh nelun sakai, anak maté, idi decur tinula'. Idi aleg ngaté lemulun luk na mesala' bang bawang luk meligan ini.

Miakké iko mangun ku raca', ngaceku iko inan ruma' ratnan kayuh tumuh luk meluun do' ratnan ruma' dulun? Do' ngerawé tamanmu. Ieh nekuman idi nengirup, idi nenganau' luk matu idi luk mesiri, idi ieh do' udeng peh. Ieh nemutut ukum luk mesiri kuan lun masi', idi ieh inan peruan. Ini dalan lemulun luk miti Tuhan.

Mesusa' kuan lemulun luk mudut ruma' idi parungneh maya' dalan luk tekilu' idi mebalih; luk ngecuk nelun denganneh ngakem idi na ieh mayar tabpardeh.