Popular Bible Verses from GALATIA 6

Share

Aleg tau musam nganau' luk do', ngaceku inan karebneh tau ngeranih, kudeng tau tuman.

Ngaceku ineh, do' tau megéi' nganau' luk do' kuan amung-amung lemulun, meluun teh kuan kinanak-kinanak luk pad-pad manu.

Do' muyuh mabeh babeh muyuh seburur dengan seburur, idi kudeng ineh teh muyuh ngeriput ukum Keristus.

Aleg muyuh uen naluk; Allah na miak inan situnga. Anun-anun luk tibuen lemulun, ineh teh luk miak ruenneh ngeranih.

Kudeng ieh nibu maya' pinian bururneh, ratnan pinian bururneh ineh ieh miak ngeranih até; iamo' kudeng ieh nibu maya' kuyut Roh ineh, ratnan Roh ineh ieh miak ngeranih ulun luk meruked.

O kinanak-kinanakku, kudeng seburur kikem bang anun-anun luk mesala', do' muyuh luk kiuten Roh ineh ngedo' lemulun luk kudeng ineh dengan niat luk mebeneh, dengan ngerawé burur muyuh sebuleng pad muyuh sebuleng na mekaneh tutun.

Ngaceku kudeng idé lemulun luk ngerawé bururneh do', setuneh na ieh do'. Ieh naluk bururneh sebuleng. Iamo' do' anid-anid burur ngiti kekamenneh sebuleng. Kudeng kekamenneh do', idi teh ieh miak mawang niat ku luk inau'neh ineh dengan na pian uen maad dengan lun baken. Ngaceku anid-anid burur miak mabeh babehneh sebuleng.