Popular Bible Verses from GALATIA 5

Share

Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani', mebeneh niat, idi tuman ratnan pinian burur. Idi na luk idi ukum luk mebpeng luk kudeng ini.

Ini ilung balaku: nima' Roh Meligan ngimet ulun muyuh, pad muyuh na maya' pinian burur.

Roh Meligan pangeh nemaré ulun kuan tau. Ngaceku ineh do' tau nima' Neneh ngimet ulun tau.

Iamo' lemulun luk manun ku pupu Keristus Yésus pangeh nenalib pinian burur dengan amung-amung lili idi piandeh.

Kekamen luk maya' pinian burur pangeh megala', ieh ineh pasét, luk melutak, idi mesawa', sembayang inan akang, mangun, pebunu', kedaluh, temaruh, megateh niat, ngeluun bururmu sebuleng, patad, babpat-babpat, melili, mabuk, rot luk dat, idi luk kudeng ineh teh. Ui mada' nemuyuh nekini, mepad kudeng ui pangeh nemada' nemuyuh atun: lemulun luk nganau' kekamen ini na miak ngalap babpat bang Imet Allah.

Iamo' muyuh ini, O kinanak-kinanakku, pangeh tinawar pad muyuh mepuit; iamo' aleg makai puit ineh maya' pinian burur, iamo' ratnan awa ngebeneh burur muyuh seburur dengan seburur.

Ngaceku pinian burur sikal metueh ratnan Roh, idi pinian Roh ineh sikal metueh ratnan pinian burur, ngaceku dueh-duehneh ini pebunu' pad muyuh na miak nganau' luk pian muyuh.

Ngaceku amung-amung Ukum ineh pangeh pimung dengan sebuleng bala, ieh ineh, “Do' iko mawa kuan lun denganmu mepad kudeng bururmu sebuleng.”

Aleg tau ngedita' burur tau sebuleng, pad tau maré ét niat seburur dengan seburur, idi temaruh seburur dengan seburur.

Nekini tau mepuit, ngaceku Keristus pangeh nemuit netau. Ngaceku ineh do' tau tuped meraben, idi aleg muyuh mangun ku demulun sekua' teh.