Popular Bible Verses from 2 KORINTUS 5

Share

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

Kai mulun ngaceku anu, baken ngaceku luk siren.

Amung ini inau' Allah, luk pangeh nenguit netau pedo' Neneh, ngaceku ratnan Keristus, idi Ieh nemaré netau kekamen nguit nelun baken pedo'. Allah bang Keristus ineh nemaré uang tana' ini pedo' Neneh idi na Ieh ngiap sala'deh. Ieh pangeh nemaré kuan kai bala ratnan nguit pedo' ineh.

Ngaceku ineh kai mangun ku lun duken Keristus, ayuneh Allah mutuh dengan dila' kai. Bang ngadan Keristus, kai mutuh nemuyuh pedo' dengan Allah.

Idi Ieh pangeh naté ngaceku amung-amung lemulun, pad lemulun luk mulun ineh na mulun kuan bururdeh sebuleng teh, iamo' kuanNeh ineh luk pangeh naté idi netumui teh ngaceku lemulun ineh. Ngaceku ineh, rat pad sini na kai ngesala' seburur pana' maya' ayu lemulun. Sagan pana' kai pangeh ngiti Keristus maya' ayu lemulun, iamo' nekini na kai ngiti Neneh mepad kudeng ineh teh.

Ngaceku awa Keristus ineh ngegio niat kai, ngaceku ini luk tirawé kai, idi seburur pangeh naté ngaceku amung-amung lemulun, ini punneh amung-amungdeh pangeh naté.