Popular Bible Verses from Mâreke 13

Share

Azü gbɛ̂ koadje sə̂ nyê bëte rə̈ mê. Praâbalë akrə ndə̂ tche rʉatə̂ su yê ndjoa ëtə̂ manə̈, tchê tchadje lə̂ kuzü.»

La nyê gbö-ê, nyë löäbô lô-ê, bëte nyë wûn-âbo sə̂ lö nə̈-a.

Sə̂nə̈ ndə̂ a kʉ nyê ndə̂kə̂ e la nyê atə̂lə̂ ngbanga, nyë dɨ̈äbô su nyê dɨ̂ dokʉ̈tchê pâ pö ndə̂ nyê toadje rə̂, praâbalë pö ndə̂ nyê toadje rə̂, a âzadje rə̂ sə̈ nyê kpôtə̂ lo nə̈ lâme, bëte âdə̂âbo nyënyê kä ndə̂ âtoadje pö nə̈-a, praâbalë ârə̂ âto bhândə̂ Kpɨ̂ki Yingö.

Tchêlafô la tchêbêche âroadje, praâbalë apö ndə̂ mê roabô tee-a.»

«Âdə andə̂ pö ndə̂ lö nə̈ âdəndjë dalo nə̈, ngâ akrə balë wûn-âbo sə̂nə̈-a. Âdə̂âbo ndjë aânje ndə̂ tchêlafô-a, âdə̂âbo ndjë Modô-a, praâbalë kütû Ndjapä balë.

Âdə nyë âdje pö ndə̂ akʉ̈ʉ̈ ndrotə̂ nyê la apö ndə̂ akʉ̈ʉ̈ ngrɨ̈, wawa mböäbô nyê mbô-ê. Äwäpä rə nə̈ lâme wutu dokʉ̈tchê. Praâbalë tchîsûwu nə̈ wâbo ndə̂kə̂ ka angangaâtə-a.

Nyë löäbô lô-ê, bëte nyë wûn-âbo sə̂ lö nə̈ ndə̂ earə̂ nda nə̈ ka la rə̂-a: La tchêndə̂gölo, âdəndjë lə̂ agrʉ̂mi, âdəndjë la kɨ̈ kö ngötö, âdəndjë la mbatchâ. Ndə̂kə̂ pa tche kabô kâ kə̂ tro nyê-ê, ânyë kə̂ gbo nyê lə̂ lö-ê. Pö ndə̂ më tô rə̂ sə̈ nyê âtə, më tö rə̂ sə̈ azü gbɛ̂: Nyë löäbô lô-ê!»

Bëte angâ azü gö adjelafô ndə̂kə̂ mbo kʉ̈ʉ̈ la angâ azü gö. Ngâ gbölö gö-gbïɛ̈ adjelafô ndə̂kə̂ mbo kʉ̈ʉ̈ la ngâ gbölö gö-gbïɛ̈, kulə̂ angâ agö, gʉ âmboadje azü tə̂ gbölösə̂nə̈, acho âtroadje katchôgbɛ̂, arə nə̈ lâme wadje batə̂ dokʉ̈ kə̂ ka tchə̂lə̂ ɛ̈chë ndə̂ tche wâ ndə̂kə̂ zɨ.

Äwäpä a mu Tchôtchô Pö sə̈ azü gö gbɛ̂ dokʉ̈tchê.

Angbängbä azü ânəadje la rə̈ mê kə̂ toadje rə̂ päkëdə̂: ‹Më də̈ Mesï!› Andjê boloadje azü tə̂ gbölösə̂nə̈.

Âdə andə̂ nye nə̈, la nyê gbö pâ nyê la tə̂ nyê. Azü â-eadje la nyê atə̂lə̂ ngbanga, a âbhiadje nyê lə̂ anda kə̂ voga Ndjapä ndə̂ ajuîfu. Nyê eadje ndə̂kə̂ krʉ tchâtchu agoverenëre la agbïɛ̈ bëte mê, ndə̂kə̂ pa nyë to pö ndə̂ arə ndə̂ nyë wûnsə̂ nə̈ pâ mê tchâtchu andjê.

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa ânəadje, kə̂ mbo asɨ̂nyî rə la arə ndə̂ âropâ küma azü, ndə̂kə̂ bolo azü. Âdə köbo âwa, andjê bolo ndjë azü ndə̂ Ndjapä dɨ̂ andjê.

«Praâbalë lə̂ alö nə̈ lâme, la tchêngbâ arə nyonyo nə̈, tchêla lo âbuadje, nyîpï kä ta bata tee-a, akêkêrə̂ toadje bhâ lafô kə̂ sə lakə̂ tu atə̂ bêche, arə gbôgbô ndə̂ tchêlafô âtroadje katchôgbɛ̂.