Popular Bible Verses from Mâreke 12

Share

Jezü tô rə̂ ndə̂nə̈ sə̈ tchë päkëdə̂: «Gbölö ndïɛ̈ ndə̂ ârôpâ adɨ̂ nə̈ gbɛ̂ kä âtə: ‹Azü gö ndə̂ Isarayële, nyë djë pö âtə, Gbölö Gbïɛ̈ Ndjapä ndə̂ azə̂ balë kä âkə̈ wâtə̂ Gbölö Gbïɛ̈. Äwäpä mo nyində̂ Gbölö Gbïɛ̈ Ndjapä ndə̂ zə̈ la su zə̈ gbɛ̂, la yingö ndə̂ zə̈ gbɛ̂, la pö tə̂ su zə̈ gbɛ̂, la gbôgbô ndə̂ zə̈ gbɛ̂.› Bïchuû gbölö ndïɛ̈ nə̈: ‹Äwäpä mo nyində̂ ngâ zə̈ batə̂ tə̂ zə̈.› Ngâ gbölö ndïɛ̈ ndə̂ ârô rə̂ wâbo-a.»

Jezü ê adjisîpili ndə̂ yê kə̈ tô rə̂ sə̈ andjê päkëdə̂: «Ɛn-ɛn, tə̂ lëge nə̈, më tô rə̂ sə̈ nyê: Ɛ̈chë yûkü lə̂ ndavrö âtə kʉ̈ makətche ndə̂ yê ârô adɨ̂ azü gbɛ̂ ndə̂ andjë kʉ̂ rə lə̂ sandûgu ndə̂ Ndjapä. Bëte adɨ̂ azü gbɛ̂ kʉ̈ makətche ndə̂ âwâ lə̂ la andjê tə̂ mbämbä rə, praâbalë tchetchë, lə̂ yûkü ndə̂ yê, tche kʉ̈ adɨ̂ makətche kɨ̈zɨ̂ ndə̂ yê gbɛ̂.»

Pânə̈ Jezü sə̂ bhâlə̂ gbölö nda Ndjapä tə̂ ma sandûgu-makətche ndə̂kə̂ wun köbo ndə̂kə̂ kʉ rə sə̈ Ndjapä ndə̂ angbängbä azü kʉ rə̂ lə̂ sandûgu-makətche nə̈. Angbängbä a-earə̂ rə kʉ̈ makətche lə̂nə̈ tə̂ gbölösə̂nə̈. Ngâ ɛ̈chë lə̂ ndavrö ndə̂ tche wâtə̂ earə̂ yûkü nə̂, kə̈ kʉ̂ mîɛ̈ bïchuû ëlə̂nə̈.

Äwäpä akrə nyində̂ Ndjapä la su yê gbɛ̂, lakə̂ wunsə̂ rə ndə̂ yê gbɛ̂, la gbôgbô ndə̂ yê gbɛ̂. Äwäpä tche nyində̂ ngâ yê akrə batə̂ tə̂ yê. Kə̂ mbo tə̂ rə käko kä âkə̈ dâka, kə̈ rô kə̂ wa ngela sə̈ Ndjapä la agia ndə̂ a cho andjê gbɛ̂, la angâ arə ngbî ngbî ndə̂ azü kʉ rə̂ bëte kua ndə̂ Ndjapä.»

Käko Jezü tô rə̂ sə̈ andjê päkëdə̂: «Nyë kʉ̈ rə ndə̂ âwâtə̂ andə̂ Sezäre sə̈ Sezäre, kə̂ kʉ anə̈ ndə̂ âwâtə̂ andə̂ Ndjapä sə̈ Ndjapä.» Tchə̂lə̂ küma andjê gbɛ̂ djîngɨli tə̂ pö ndə̂ Jezü lâme-ê.