Popular Bible Verses from प्रकाश 21

Share

हुँकन्‍हक आँखिक सब आँस उहाँ पोँछदेहुइयाबाट। आबठेसे कौनोजहन मुव नैपरहीन। कौनोजहन शोक ओ दुःख मान नैपरहीन। काकरकि पैल्‍हक सब बात बितगैल्।”

तब सिंहासनम विराजमान रहुइया परमेश्‍वर महीह असिक कल, “हेरो! आब मै सब बात लौव बनुइयाबाटुँ।” उहाँ असिक फे कल, “यी लिखो, यी बात विश्‍वासयोग्य ओ सत्‍य बा।”

सिंहासनमसे एकठो बरा सोर मै असिक कहट्‍ सुन्‍नु, “हेर, परमेश्‍वरक बास मनैनसे होरहल। उहाँ हुँकनसे बास कर्नेबाट, ओ हुँक्र उहाँक प्रजा हुइनेबाट। परमेश्‍वर अपन्‍हे हुँकन्‍हक परमेश्‍वर होक हुँकन्‍हकसँग रनेबाट।

उहाँ महीह फेदोस्र कल, “आब सब काम पूरा होस्‍याकल। अल्‍फा ओ ओमेगा, शुरू ओ अन्‍तिम मैहे हुइटुँ। जे पियासल रही ओहीह मै जीवनक मुलमसे बिना म्‍वालक पिय देहुइयाबाटुँ।

जे जिती ऊ यी सब अधिकार पउइया बा, मै वाकर परमेश्‍वर हुइबुँ ओ ऊ म्‍वार छावा हुइनेबा।

तर डरप्‍वाँकहुँक्र, धोखेवाजहुँक्र, घिनलग्‍टिक काम करुइयन, ज्‍यानमाराहुँक्र, व्‍यभिचारीहुँक्र, मन्‍त्रतन्‍त्र करुइयन, मूर्तिपूजा करुइयन ओ झूट बोलुइयन यी सबजन आगी ओ गन्‍धक दन्‍कना कुण्‍डम फँक्‍वापैहीँ। यी द्वासर मृत्‍यु हो।”

तबदोस्र मै लौव आकाश ओ लौव पृथ्‍वी देख्‍नु, काकरकि पैल्‍हक आकाश ओ पैल्‍हक पृथ्‍वी बितरलहा ओ समुद्र बिलारलहा।

तबदोस्र मै पवित्र सहर, लौव यरूशलेम, स्‍वर्गसे या परमेश्‍वरक लग्‍घसे टर ओल्‍हाइट देख्‍नु। ऊ आपन दुल्‍हक लाग सिङ्‌गारल दुल्‍हीअस रलही।

उ सहर अजरार बनैना सूर्य ओ जोन्‍ह्‍यक आवश्‍यक नैहो, काकरकि परमेश्‍वरक महिमा उहाँ चम्‍कठा ओ पठ्‌रू जो वाकर दिया हुइट। संसारक सब मनै उहाँक अजरारम नेङ्‌गुइयाबाट ओ सबओरिक राजाहुँक्र आपन धन, मानसम्‍मान उहँ अनुइयाबाट।