Popular Bible Verses from प्रकाश 14

Share

तबदोस्र स्‍वर्गसे मै एकठो असिन आवाज सुन्‍नु, “यी बात लिखो: आबठेसे प्रभुक सेवा कर्टीकर्टी मुवल मनै धन्‍यक हुइट।” पवित्र आत्‍मा असिक जवाफ देल, “जाट्‌टीसे हो! काकरकि आबठेसे हुँक्र आपन दुःख ओ परिश्रममसे आराम पैहीँ ओ हुँकन्‍हक करल काम अनुसार हुँक्र इनाम पैहीँ।”

याकर मतलब परमेश्‍वरक आज्ञापालन कर्ना ओ येशूम विश्‍वास कर्ना उहाँक भक्तजनहुँक्र पूरा सहनशील रहपर्ठा।

ऊ बराभारी आवाजम कल, “परमेश्‍वरक डर डराओ, ओ उहाँक महिमा करो। काकरकि उहाँ मनैन्‍हक न्याय कर्ना ब्‍याला आरहल। स्‍वर्ग, पृथ्‍वी, समुद्र ओ सारा पानीक मूल बनुइया परमेश्‍वरह दण्‍डवत करो।”

उ दुइठो स्‍वर्गदूतन्‍हक पाछ तीसर स्‍वर्गदूत बराभारी आवाजम असिक कल, “यदि कौनो मनैया उ जनावरह ओ वाकर मूर्तिह पूजा करी ओ वाकर छाप आपन लिल्‍हारिम वा आपन हाँठम लगाइ कलसे, ऊ फे परमेश्‍वरक क्रोधक खोर्‍यम कुछु नैमिलाक तयार पारगैल उहाँक क्रोधक कर्रा मद पिने बा, ओ सारा पवित्र स्‍वर्गदूत ओ पठ्‌रूक सामुन्‍नेम आगी ओ गन्‍धकम यातना पैनेबा। ओ हुँकन यातना देगैल् आगीक धूवाँ सड्‌डभर उप्‍पर जैटिरनेबा। उ जनावर ओ वाकर मूर्तिह पूजा करल मनै ओ वाकर नाउँक छाप लगाइल मनै आपन सजायमसे रातदिन कबु फे आराम नैपैनेहुइट।”

तब मै हेर्नु त सियोन पर्वत्‍वम पठ्‍रू ठह्र्‍याइल देख्‍नु। उहाँकसँग एक लाख चवालीस हजार मनै रलह, हुँकन्‍हक लिल्‍हारिम उहाँक नाउँ ओ उहाँक बाबक नाउँ लिखल रलहन।

तबदोस्र मै आकाशम उर्टिरहल और एकठो स्‍वर्गदूत देख्‍नु। ऊ सब जाति, सब कुल, सब भाषा ओ सब देशक मनैन सुनाइक लाग खुशीक खबर लेक आइटलह।

तब पैल्‍ह स्‍वर्गदूतक पाछ द्वासर स्‍वर्गदूत असिक कटी अइल, “ध्‍वस्‍त हुइल्! महान् सहर बेबिलोन ध्‍वस्‍त हुइल्। उ सहर आपन व्‍यभिचारक कारण संसारक सब जातिन परमेश्‍वरक क्रोधक खोर्‍यमसे पिय लगाराखल।”