Popular Bible Verses from प्रकाश 11

Share

तबदोस्र सातवाँ स्‍वर्गदूत आपन तुरही फुक्ल त स्‍वर्गम बराबरा आवाज असिक गुञ्‍जल, “पृथ्वीम राज्‍य कर्ना अधिकार आबठेसे हमार प्रभु ओ उहाँक ख्रीष्‍टक हो ओ उहाँ जो सड्‌डभर राज्‍य करहीँ।”

जाति-जातिक मनै रिसाइल बाट, तर अप्‍नक क्रोध देखैना ब्‍याला होरहल ओ मुवल मनैन्‍हक न्याय कर्ना ब्‍याला आरहल। अप्‍न सेवकहुँकन अर्थात् अप्‍नक अगमवक्ताहुँकन, पवित्र जनहुँकन ओ अप्‍नक नाउँ मन्‍ना छोटीबरा सबजहन इनाम देना, ओ पृथ्‍वी नाश करुइयन नाश कर्ना ब्‍याला आरहल।”

ओ भङ्‌ग्रक लुगा लगाइल म्‍वार दुइठो साक्षीहुँकन एक हजार दुइ सय साठी दिनसम अगमवाणी बोल्‍ना अधिकार देहम।”

तर साह्रे तीन दिन बितल त परमेश्‍वरसे जीवन देना साँस उ दुइजन्‍हकम पैँसल ओ हुँक्र आपन ग्‍वारम ठह्र्‍यैल। उ देख्‍क मनै भारी कर्रसे डरैल।

हुँक्र परमेश्‍वरक वचन सुनाइट्‍सम पानी जिन परस कैक आकाश बन्‍द कर्ना हुँकन्‍हक शक्ति बाटन। पानीक मूलह रगत बनैना ओ पृथ्वीम हुँक्र चाहल अनुसार किसिम-किसिमक महामारी फैलैना समेत हुँकन्‍हक शक्ति बाटन।

उ दुइठो साक्षी त जैतूनिक दुइठो रूख्‍वा ओ पृथ्वीम राज्‍य कर्ना प्रभुक सामुन्‍ने रना दुइठो सामदान हो। कुई हुँकन नाश कर खोजी कलसे हुँकन्‍हक मुहमसे आगी निकर्क उ शत्रुन नाश कर्नेबा। ओ हुँकन हानि कर खोज्‍ना सबजन मुवापैहीँ।