Popular Bible Verses from १ तिमोथी 6

Share

सेना लडाइँ करअस अनन्‍त जीवनक इनाम पाइक लाग विश्‍वासक लडाइँ मजासे लडो, काकरकि यिह जीवनक लाग परमेश्‍वर टुँहीन बलैलह। ओ यिह जीवनक सम्‍बन्‍धम टुँ धेर जन्‍हक सामुन्‍नेम आपन विश्‍वासक बारेम स्‍पष्‍ट रूपले बट्‌वइलक फे हुइटो।

काकरकि धनसम्‍पत्तिक मोह नै सब किसिमक खराबीक जर हो। कत्रा जन त धनक ल्‍वाभले विश्‍वासमसे पाछ फे हटरल, ओ आपनम अपन्‍हे दुःख खन्ह्‍यारख्‍ल।

वास्‍तवम सन्‍तोष होक परमेश्‍वरक भक्ति कर्ना बरा धन हो।

काकरकि जन्‍मबेर हम्र का लेक अइली? ओ मुवबेर का लेक जैबी?

यी संसारम धनी रहल मनैन घमण्‍डी जिन होओ कैक कहो। अनिश्‍चित धनसम्‍पत्तिम नाहीँ तर सब थोक प्रशस्‍त हिसाबले हमन उपभोग कर देना परमेश्‍वरम भरोसा करो कैक हुँकन सिखाओ।

तर धनी हुइ खोजुइयन परीक्षम पर्ठ, ओ खराब ओ हानिकारक चाहना हुँकन फँसाडर्ठन। उह चाहना हुँकन घँस्‍यैटी सर्वनाशम लैजैठन।

आनक भलाइ करपर्ठा, असल कामम धनी हुइपर्ठा, खाँचोम परल मनैन सहायता देहपर्ठा ओ आपनठे रहल चिज औरजहनसे बाँडचुँड करपर्ठा कैक हुँकन निर्देशन देओ। असिक हुँक्र आपनऽ लाग सत्‍य धन जम्‍मा करहीँ, जौन धन अइना जीवनक लाग एक पक्‍का जग बनी, ओ हुँक्र सत्‍य जीवनक अनुभव करहीँ।