Popular Bible Verses from Suu 3

Share

N nyan nə n foo doa n din yiri ganaa wa. N foo doa Dɛnaa Lawa ganaa parsiini. N sii zɛnaan tumaa gɔ́ɔ̃ nɛ, toa n na a din dɔ̃, á re n nyɛɛnaan boe.

N nyan taasɛ mà nsɛ n yiridɛnaa lɛa wa. Sɛnɛ, nyɛ́ɛ baa Dɛnaa Lawa yii ni, n nə n wɔlɔ lui sii baraa ganaa.

Dɛnaa Lawa tɔ bɔ ka n gɔn mànan nɛ, n nə n kaa-piɛ màn bibinaa kɔ la. Bɛa biikoo li kəni, n dɔǹɔn tá re piɛ̃, n duvɛ̃ tamaa ǹ bǎã á re nyaabiɛ.

Toa n min sonborebaa, n bɔlɔgoondɛnaa baa baraabaraa. N paraa bɛa sɔ̀nɔn lɛn ganaa, n nə ǹ tamaa n foo ne.

Maa nɛ, n nyan nə n piã ka Dɛnaa Lawa a gɔn waa ǹ boon ne wa. N nyan nə n la bɔ ǹ ganaa wa. Sonbore, Dɛnaa Lawa bɛ́ min mɛn narɛ, a n bɛa dɛnaa doree ka díi bɛ́ a foo nɛ doree lɔn.

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne. Ka bɛ nɛ, n yii á re goɛ̃ koo, n tá re nyin sasa yii, ka là nyantoro ne.

Bɛ̀ min mɛn sii-doɛ̃ yɛ, ka yiridɛnaabaa nɛ, a na á foo kɔɔ̃nbaa yɛ. Sii-doɛ̃ á soɛ wɔrɔdɛnaabaa nɛ. A là á liɛ nɛ sana wɔ nɛ. Sii-doɛ̃ giɔ̀mɔ á kaka á la nyaǹ màn tumaa nɛ. Á soɛ màn kɛ tumaa nɛ wɔ n giɛ li.

Min mɛn laadoo bɛ́ dɔmalɛ ganaa, bɛ̀ n tá boe la, n dɔ lɛ, n nyan nə n piã wa.

Dɛnaa Lawa na á lon zɛnaa ka a Sii-doɛ̃ nɛ, á lon koa ka a yiridɛnaabaa nɛ.