Popular Bible Verses from Suu 1

Share

Nyɛ́ɛbaa Dɛnaa Lawa yii ni n sii-doɛ̃ a giala kɔ ǹ bǎã lɛa. Min mɛnɛn laadoo bɛ́ a bie ka bɛa daraan laanka bɛa doroon kɛn nɛ wa, baãnaan manɛ. Maa nɛ, n too kɔ n di a gɔn waa ǹ boon kɛn li. N nyan nə n piã ka a doroon ne wa.

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃. Sɛnɛ, bɛ̀ min mɛn nə n too kɔ ma lon, bɛa dɛnaa á re goɛ̃ yii-nyɛɛ gɔ́ɔ̃ nɛ, kiĩn ni a ná a ba nyɛ́ɛ biɛ koe-n wa.

Sii-dɔ̃lin nə n too kɔ, ǹ tá re màn diɛ ǹ doɛ̃ li. Yiridɛnaan nə n too kɔ, ǹ tá re doroo sonbore yii.

Maa nɛ, bɛ n miã baraan tá zoɛ̃ li ǹ nə n da sii baraa nɛ, n piã.

Izirayelin kii Davida a nɛgiĩ Salomɔn a suusun nə́ ke. Suusun kɛn mìi n ka minin daraa sii-doɛ̃ ganaa nɛ, ka giã ǹ gɔn sonbore ne. A n doroo sonbore koe, a n toɛ n boo sonboren giala ma. A n toɛ wɔ yiridɛnan giã ǹ gɔn wɔ, wɔ goã pepere, wɔ dí-pɛn guguru kɔ, wɔ sonborebaa zɛnaa. Min mɛnɛn yiri bɛ́ kiɛɛrɛ, a n toɛ ǹ yiri goã ǹ dinin li. A n yiri koe nɛ tenən la, a toa ǹ sìi bɔkɔnlɛ dɔ̃.

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa. Bɛ n die n zɛnɛɛ a giala ka n piã ka doɛ̃ nɛ, ka n piã ka nyɛ́ɛbaa Dɛnaa Lawa yii n ni.