Popular Bible Verses from Zer 17

Share

Sɛnɛ, min mɛn bɛ́ golee Dɛnaa Lawa li, a nə́ n foo doɛ Dɛnaa Lawa ganaa, Barka á re n diɛ bɛa Dɛnaa ganaa. Bɛa dɛnaa n goon ka da nɛ zumii-n tà lɛ-a, á gòonən bɔ á woo mu lɛ ganaa. Tɛ̀fuu biikoo li, a nyɛ́ɛ biɛ màn kɔn nɛ wa. A luu n goɛ̃ tì. Lɛ̀ goon lɛ̀ gere a màn kɔn pii-n wa. A n nɛ koe biikoo tumaa li.

Màn kɔn ba baraa á dɔ minbuiin nɛ foo li wa. Min kɔn ba boe la a na a kaka kɔ wa, min kɔn ba doɛ̃ a nya wa.

Masɛ Dɛnaa Lawa, man giɛ minbuiin nɛ tumaa a taasiɛn laanka a gɔ́ɔ̃gɔ́ɔ̃ ǹ siin ganaa. Bɛa yɔrɔ lɛ la, man didie tumaa kuĩ a kɔnpɛ ka a giã ǹ gɔn laanka a zɛnaa ǹ siin ni.

Dɛnaa Lawa n kɛ pii: Min mɛn bɛ́ n foo wɔlɔ lui ma ganaa, a nə́ n foo doɛ minbuiin nɛ ganaa, a dɔmalɛ n boe minbuiin nɛ nɛ, lɛn baraa bíi bɛa dɛnaa kũ! Ǹ dɛnaa na á kɔnbɔ ka da kùsì ni tán gere la. A re yii-nyɛɛ yii wa. A n die goɛ̃ diə gole a kɔlɔn kɛn bii n ni, tán yìsidɛnaa kɛ la, min ná a boe la a giã-n wa.

Dɛnaa Lawa, ma kaka kɔ, man die kaka koe dɔn. Ma kirisibaa, man die kirisibiɛ dɔn. Hiĩ, n din tɔ laakalaa ǹ loe ne ma á loe.