Popular Bible Verses from BLS 8

Share

Má tɔ́n pɛ máa nyɛnyɛɛ n sii sonbore lɛa a tɔ-a, a giala, màn kɔn din ba soɛ minbuiin nɛ ganaa, kanaa kɛ-n wa. Bɛ̀ á n bɔ, a màn bii, a màn mi, a n nyɛnyɛɛ. Bɛ lɛ na a dí lɛ a là lɛa, a tá kanaa lɛawaan kɛn gɔ́ɔ̃ nɛ, Lawa nə́ ǹ kɔ la.

Min baraa á boe la, a sii baraa zɛnaa gunyin damata, a yii dɔ n tɔn koo kiɛ̃. Sɛnɛ, ma á doɛ̃, máa nyɛ́ɛ baa Lawa yii-n wolen wɔ á die bǐɛ̃ koe. A giala mà ǹ tá nyɛ́ɛ biɛ Lawa yii ni.

A giala, sii tumaa laanka a biikoo ne, ka a kiri kurii dɔ nɛ. Sɛnɛ koe gole tan, minbuiin nɛ wɔ lɛa.

Min kɔn nyin biɛ ba a din gɔn, a tɔn boo la a tamaa wa. Min kɔn ba boe la, a na a gɛ̀ lɛawaa zɔ̃ a wo-n nyɛɛn wa. Bɛa zia kɛ lɛ miã, la ǹ gɔn banban wa. Min mɛnɛn bɛ́ baraabaa zɛnɛɛ, baraabaa lɛ ba re ǹ sii a ǹ kaa wa.

Nya ǹ dí baraan lɛn dɔlɔ bɛ́ a ba n boe a bǎã-n wa, bɛ lɛ n ke toɛ, sii baraa zɛnaa ǹ foo n minbuiin nɛ-n taãn-taãnɛ.

Sii goon tá n zɛnɛɛ kanaa kɛ nɛ, a giala banban. Min peperen manə ǹ tan, min baraan nə kɔnbɔ ka sii mɛn nɛ, bɛ nə ǹ yii. Min baraan dɔn manə ǹ tan, min peperen nə kɔnbɔ ka sii mɛn nɛ, bɛ nə ǹ yii. Ka ma pɛ lɔn lɛn, bɛ ba a zii la wa! Kɛ yɛ masɛ nɛ.

Sii mɛn bɛ́ re n zɛnɛɛ, a bɛ doɛ̃ wa. Bɛa sii lɛ bɛ́ re n zɛnɛɛ lɔn, die n die bɛ pii ni?