Popular Bible Verses from Rom‑dãmbã 12

Share

Da yɩ-y wa dũni‑kãngã nebã ye. Paam-y yam-wek-paalle, tɩ rẽ tek yãmba, tɩ y tõe n bãng Wẽnnaam daabo: Rẽ yaa sõama, n noomẽ la a zemsa zãnga.

Woto yĩnga, m ba-biisi, mam sagenda yãmb ne Wẽnnaam nimbãan-zoeerã tɩ y kõ y yĩnsã tɩ yɩ maan-vɩɩs sẽn welg toore, la sẽn tat Wẽnnaam yam. Yãmb sã n maan a woto, na n yɩɩ kaoreng sẽn zemse.

Maan-y tẽeb n kɩdme. Paam-y sũ-mar yel-pakr pʋgẽ. Wɩng-y ne pʋʋsgo.

Da sak tɩ wẽng tõog foom ye. Maan neer n tõog wẽnga.

Nong-y taab ne ba-biir nonglem. Nand-y taaba, n tagsd taab yelle.

Kɩt-y tɩ zãmb da zĩnd nonglem pʋgẽ ye. Kisg-y wẽnga, la y nong sẽn yaa sõama wã sõama.

Sã n tõe, t'a yellã sã n bee ne yãmba, bɩ y kɩt tɩ laafɩ zĩnd yãmb ne nebã fãa sʋka.

M zo-nongdse, da rok-y y sũy y toor ye. Bas-y tɩ sũ-yikrã maan a tʋʋmde. Bala, b gʋlsame yaa: Zu-soabã yetame tɩ sũ-dokr yaa bãmb n so, la yaa bãmb n na n keo nebã.

Yɩ-y neb sẽn wɩngd ne tʋʋmde, la y ra yɩ kʋɩɩmb ye. Wɩng-y ne sɩɩgã yelle. Maan-y Zu-soabã tʋʋmde.

Ne bark ning Wẽnnaam sẽn maan maamã, mam yeta yãmb ned kam fãa t'a ra tags tɩ yẽnda yaa tɩrg tɩ looge, n kẽes a tagsd moog ye. La bɩ ned fãa paam tagsd sẽn zemse, t'a tõe n paam sik-m-menga, tɩ zems ne tẽeb ning Wẽnnaam sẽn kõ-a wã.

Da lebs-y ned baa a ye wẽng wẽng yĩng ye. Bao-y bũmb nins sẽn yaa sõama nebã fãa nifẽ wã.

Paam-y tagsg a yembr taab yĩnga. Da bao-y tɩ paam bõn-kãsems ye. Kɩt-y tɩ y ratem zĩnd ne bõn-talse. Da ges-y y mens wa yam dãmb ye.

Kom sã n tar fo bɛyã, kõ-a t'a rɩ. Ko-yũud sã n tar-a, kõ-a t'a yũ. Bala, fo sã n maand a woto, yaa bug-saal la fo rʋʋgd a zugu.

Ning-y neb nins sẽn namsd yãmbã zut barka. Ning-y bark la y ra kãab-b wẽng ye. Maan-y sũ-noog ne neb nins sẽn maand sũ-noogo, la y yãb ne neb nins sẽn yãbda.

Sõng-y nin-tũusdsã sẽn dat sõngrã. Mao-y n maand-y sãambã sãando.

Sɩd me, a wa tõnd yĩngã sẽn yaa a yembr n tar wil wʋsgã, la tɩ wilã fãa tʋʋm ka yembrã, woto me, baa ne tõnd sẽn yaa wʋsgã, tõnd lagem n yaa yĩng a yembr Kirisã pʋgẽ, n yaa wil ne taaba.