Popular Bible Verses from Rom‑dãmbã 11

Share

Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

Wẽnnaam arzegsã, la b yamã ne b bãngrã zulma wʋsgo. Ned ka tõe n vees bãmb bʋʋdã soay n bãng ye, la ned ka tõe n wʋm bãmb so-tũudsã võor ye. Sɩd me

ãnda n bãng Zu-soabã tagsgo? Wall ãnda n yɩ bãmb sagenda?

Woto me, moasã, neb n kelle, wa sẽn zems Wẽnnaam sẽn tũus b rãmb b barkã pʋgẽ wã. La sã n yaa ne Wẽnnaam bark la ned paamd fãagre, ka leb n yaa ne tʋʋm ye. Sã n ka rẽ, barkã ka leb n ya nimbãan-zoeer ye [la sã n yaa ne tʋʋmã la ned paamd fãagre, ka leb n yaa nimbãan-zoeer yell ye. Sã n ka rẽ, tʋʋmd ka leb n yaa tʋʋmd ye.]

La sã n yaa tɩ b kʋʋsa wil kẽere, n dɩk fo sẽn ya weoogẽ oliiv tɩɩgã n lebs n tong b zĩigẽ wã, tɩ fo paam lagem-n-taar ne oliiv tɩɩgã yẽg la a sũma, da paoog wilã n waoog f meng ye. Fo sã n waoogd f menga, bãng tɩ ka foom n zãad yẽgã ye, la yaa bãmb n zãad foom.