Popular Bible Verses from A Zeremi 23

Share

Sẽn-Ka-Saab yetame: «Rẽ yĩnga, ned tõe n soondame tɩ m ka yãnd-a sɩda?» Sẽn-Ka-Saab yetame: «Mam ka be yĩngr la tẽng sɩda?

Sẽn-Ka-Saab yetame: «Ade, wakat n wate, tɩ mam na n kɩt t'a Davɩɩd yageng a yembr sẽn yaa nin-tɩrg lebg rĩm n dɩ naam, n soog nebã ne yam, la a kaood buudã ne zemsg la ne tɩrlem tẽngã pʋgẽ. Yaa yẽnda wakat la Zʋʋda nebã na n paam fãagre, tɩ Israyɛll nebã zĩnd ne bãane. B na n boola rĩmã yʋʋr tɩ Sẽn-Ka-Saab sẽn yaa tõnd tɩrlem.»

Maam a Sẽn-Ka-Saab yetame: «Toog bee nanambs nins sẽn kɩt tɩ mam nebã sãamdẽ la b sãeegdẽ wã zugu!»

«Mam mengã na n kɩtame tɩ m neb nins sẽn ketã yi tẽms nins fãa mam sẽn dig bãmb tɩ b kẽngã n lebg n wa yiri. La bãmb na n doga kamba, la b na n fɩɩgame n lebg wʋsgo. Mam na n kõo bãmb nanambs sẽn na n soog-ba, la rabeem ka na n leb n yõk bãmb ye. Ned kõn leb n yɛɛs bãmba, la bãmb ned ba a yembr kõn menem ye.» Maam a Sẽn-Ka-Saab n yeele.

Saasẽ-Pãng-Soabã yetame: «Da kelg-y pĩnd-n-bãngr goam nins no-rɛɛsdbã sẽn togsd yãmbã ye. Bãmb belgda yãmb ne gom-vɩɩdo. Bãmb sẽn togsd goam ninsã ka yit Sẽn-Ka-Saab noorẽ ye. Yaa bãmb mensã sũy tagsgo.»