Popular Bible Verses from Bʋ‑kaoodba 7

Share

Sẽn-Ka-Saab yeela a Zedyõ yaa: «Tãb-biisã sẽn be ne foomã sõor yaa wʋsg tɩ looge. Mam sã n kɩt tɩ b tõog Madiyã nebã, Israyɛll nebã na n wuka b mens n yeel tɩ yaa ne bãmb meng pãng la b tõog n fãag b mense.

Dẽ, Sẽn-Ka-Saab yeela a Zedyõ yaa: «Mam na n talla neb kobs-tã wã sẽn leg koomã n kɩt tɩ f tõog Madiyã nebã, n tõog n fãag Israyɛll nebã. La sã n yaa ne neb a taabã sẽn ketã, ned kam fãa lebg n kuil a yiri.»

Rẽ wã, bɩ f moon n yeel tãb-biisã fãa, tɩ ned ning sẽn yɛɛsd n digda, bɩ a yi Galaad tãngã zug ka moas-moasã bal n lebg n kuili.» Zĩig pʋgẽ bala, raop tus pisi la a yiib n yi tãb-biisã sʋk n lebg n kuili, n bas neb tus-piiga.

La Sẽn-Ka-Saab yeela a Zedyõ yaa: «Nebã ket n yaa wʋsgo. Kɩt tɩ b kẽng koomã noore, la beenẽ, mam na n yãka sẽn tog n tũ-b foomã n kõ-fo. Mam sẽn na n yeel tɩ ned ning tũ foom, yaa yẽnda soab n na n tũ foom. La ned ning mam sẽn na n yeel t'a ka tog n tũ foomã, a ka tog n tũ ye.»

Dẽ, a Zedyõ talla nebã n kẽng koomã noore, la Sẽn-Ka-Saab yeela yẽnda yaa: «Welg neb nins fãa sẽn na n kaad koomã ne b nus n legd wa baasã toore, la f welg neb nins sẽn na n yĩgimd b rũmã zut n yũud koomã me toore.» Neb nins sẽn dag n kaad koomã ne b nus n yũudã sõor yaa raop kobs-tã, la neb nins sẽn ketã fãa yĩgimda b rũmã zut n na n yũ koomã.