Popular Bible Verses from Bʋ‑kaoodba 6

Share

Sẽn-Ka-Saab malɛɛkã puka a meng ne a Zedyõ n yeel-a yaa: «Fo yaa tãb-bi gãndaoog halaale, Sẽn-Ka-Saab bee ne foom.»

Sẽn-Ka-Saab wẽnegame n ges yẽnda n yeel-a yaa: «Kẽng ne pãng ning fo sẽn tarã, la f na n tõog n fãaga Israyɛll nebã Madiyã nebã nugẽ. Kẽng tɩ yaa maam n tʋmd-fo!»

Sẽn-Ka-Saab yeel-a lame: «Mam mengã na n zĩnda ne foom, la fo na n tõoga Madiyã nebã fãa, wa f sẽn tõog nin-yende.»

La a Zedyõ leokame yaa: «Y kabre m soaala, Sẽn-Ka-Saab sã n bee ne tõndo, bõe yĩng tɩ yel-bãmbã fãa paamd tõndo? La bãmb sẽn dag n maan bõn-bãn nins fãa tɩ tõnd yaab-rãmbã togsd tõndã bee yɛɛnẽ? Tõnd yaab-rãmb yeela tõnd tɩ yaa Sẽn-Ka-Saab n yiis tõnd Ezɩpt tẽnga.» La maana a wãn moasã, tɩ Sẽn-Ka-Saab bas tõnd tɩ Madiyã nebã soog tõndo?

A Zedyõ yeela malɛɛkã yaa: «Y kabre m soaala, mam na n maana a wãn n tõog n fãag Israyɛll nebã? Ade, Manaase buudã fãa pʋgẽ, yaa tõnd doogã n tɩ yaa naong rãmba. Sẽn paase, mam ba wã zak pʋga, maam n yaa b fãa yao-zʋʋga.»

Sẽn-Ka-Saab malɛɛk n wa n zĩnda a Abiyezɛɛr buudã ned a Zoaas tɩɩgã sẽn be Ofra wã tẽngre. A Zoaas biig a Zedyõ dag n soos n bee tɩɩgã tẽngr n pãbd a Oorz reezẽ rãam wẽkr koglg pʋga, a sẽn dag n zoet Madiyã nebã yĩnga.

Dẽ, a Zedyõ mee tẽn-kugr beenẽ Sẽn-Ka-Saab yĩnga, n pʋd a yʋʋr tɩ: «Sẽn-Ka-Saab n kõt vɩ-bãane.» Tẽn-kug-kãng ket n bee a Abiyezɛɛr doogã tẽngẽ Ofra hal tɩ ta rũndã.

Dẽ, a Zedyõ yeelame: «Yãmb sũur sã n sɩd yaa noog ne maam, bɩ y kõ maam bãnd sẽn wilgd tɩ sɩd yaa yãmb a Wẽnnaam n gom ne maam.

La Sẽn-Ka-Saab yeela a Zedyõ yaa: «Gãneg f yam, la f ra yɛɛs ye. Fo ka na n ki ye.»

Israyɛll nebã leb n maana sẽn yaa wẽng Sẽn-Ka-Saab nifẽ. La Sẽn-Ka-Saab basame tɩ Madiyã nebã tõog-ba, n soog-b hal yʋʋm a yopoe.