Popular Bible Verses from A Ezekɩyɛlle 7

Share

Bãmb na n loba b wanzuri wã soayã zutu, la bãmb sãnemã na n yɩɩ bõn-dẽgdo, la b wanzuri wã ne b sãnemã, ka na n tõog n fãag-b Sẽn-Ka-Saab sũ-puugrã daar ye. Bãmb wanzuri wã ne b sãnemã ka tõe n dɩk n ning b noorẽ, la b ka tõe n pids bãmb pʋs me ye. Bala, yaa bõn-kãens n yɩ bãmb kug-lakdga, la yaa bõn-kãens n wa ne b kongrã.

Rĩmã zĩi ne sũ-sãanga, nanambsã sũy pida ne sũ-sãanga, la tẽngã nebã nus rigdame. Mam na n sɩbga bãmb wa sẽn zems b tʋʋmã, mam na n kaoo bãmb bʋʋdo, wa bãmb sẽn kaood bʋʋdã to-to wã. Woto, bãmb na bãng tɩ mam yaa Sẽn-Ka-Saabo.»

Mam ka na n zoe f nimbãaneg ye. Mam ka na n bas ned ba a yembr t'a põs ye. Bala, mam na n kɩtame tɩ f yel-beedã fãa wa f zugu. Fo yel-beedã na n zĩnda f pʋgẽ. Woto, yãmb na bãng tɩ mam yaa Sẽn-Ka-Saabo.› »

Mam ka na n zoe f nimbãaneg ye, mam ka na n bas ned ba a yembr t'a põs ye. Bala, mam na n kɩtame tɩ f yel-beedã wa f zugu. Fo yel-beedã na n zĩnda f pʋgẽ. Woto, yãmb na bãng tɩ mam yaa Sẽn-Ka-Saab sẽn sɩbgda.