Popular Bible Verses from Tõodo 30

Share

Dũndã, saasã la tẽngã yaa mam kaset-dãmba, tɩ mam ninga vɩɩm la kũum, ne bark la kãab-wẽns y taoore. Yãk-y vɩɩmã, tɩ yãmb ne y yagensã tõe n vɩɩmde, la y nong Sẽn-Ka-Saab sẽn yaa yãmb Wẽnnaamã, n sak bãmb koɛɛgã n loe y sũurã ne bãmba. Yaa bãmb n kõt yãmb vɩɩm la yõ-woko, sẽn na yɩl tɩ yãmb tõe n zĩnd tẽng ning Sẽn-Ka-Saab sẽn yaa yãmb Wẽnnaamã sẽn dag n wẽen n yeel y yaab-rãmb a Abrahaam ne a Izaak la a Zakoob tɩ b na n kõo bãmbã.

Noor ning mam sẽn kõt yãmb dũndã wã, yaa tɩ y nong Sẽn-Ka-Saab sẽn yaa yãmb Wẽnnaamã, la y sak Sẽn-Ka-Saab sẽn yaa yãmb Wẽnnaamã, n tũ bãmb soyã la y sak bãmb tõodã, ne b no-tũudsã la b noyã, n tõog n vɩɩmd n lebg wʋsgo, tɩ Sẽn-Ka-Saab sẽn yaa yãmb Wẽnnaamã ning-y bark tẽng ning yãmb sẽn na n kẽ n soogã pʋgẽ.

Gese, rũndã, mam ningda vɩɩm ne naare, la kũum ne toog y taoore.

Gomdã pẽe ne foom. A bee fo noorẽ, a bee fo sũurẽ, tɩ f tõe n sak-a.

Sẽn-Ka-Saab sẽn yaa yãmb Wẽnnaamã na n teka yãmb ne y yagensã sũy tɩ y nong Sẽn-Ka-Saab sẽn yaa yãmb Wẽnnaamã ne y sũyã fãa, la ne y yamã fãa n tõog n vɩɩmde.

Sẽn-Ka-Saab sẽn yaa yãmb Wẽnnaamã na n kõo yãmb paoong wʋsgo, n kɩt tɩ yãmb nus tʋʋmã fãa biis fɩɩge: sã n yaa y kambã, wall y rũmsã kamba, wall y koodã. Bala, Sẽn-Ka-Saab sũur na n leb n yɩɩ noog ne yãmba, y sẽn tar sũ-noogã yĩnga, wa b sẽn dag n tar sũ-noog ne y yaab-rãmbã sẽn dag n tar sũ-noogã.

La yãmb sã n bʋdge, yãmb sã n ka kelge, la y sã n bas tɩ b peeg yãmb tɩ y sak n wõgemd n waoog buud a taabã wẽnnaam-dãmba, mam yeta yãmb dũndã tɩ y na n menema zãnga. Yãmb ka na n vɩɩmd n kaoos tẽng ning yãmb sẽn na n dʋʋg Zʋrdẽ wã n tɩ kẽ n soogã pʋgẽ ye.

Tõ-kãngã mam sẽn kõt yãmb dũndã wã ka yɩɩd yãmb pãng ye, la a ka zãr ne yãmb ye.

A ka be yĩngr tɩ y na n yeel tɩ ãndã n na n dʋ be n tall-a n wa kõ yãmb tɩ y wʋm la y sak-a ye.

A ka be ko-kãsengã rʋʋnd tɩ y na n yeel tɩ ãndã n na n dʋʋg n tɩ tall-a n wa kõ yãmb tɩ y wʋm la y sak-a ye.