Popular Bible Verses from A Dãniyɛlle 9

Share

Mam pʋʋsa Sẽn-Ka-Saab sẽn yaa mam Wẽnnaamã, n sak n deeg tɩ d kongame n yeele: «Zu-soab a Wẽnnaam, yãmb yaa kãsenga, la yãmb zemsa zoeese. Yãmb gũuda y kaoolã, la y zoeta neb nins sẽn nong yãmb la b sakd yãmb tõodã nimbãanega!

Mam Wẽnnaam, kɩll-y y tʋbr n kelge! Puk-y y nin n ges tõnd tẽngã, tẽng ning b sẽn boond yãmb yʋʋrã a pʋgẽ wã sẽn lebg raboogã. Ka tõnd tʋʋm-sõamã yĩng la tõnd sẽn yõkd yãmb sɛɛg woto wã ye. La yaa yãmb nimbãan-zoeerã sẽn yaa kãsengã yĩnga. Zu-soaba, kelg-y-do! Kõ-y-d sugri! Zu-soaba, kɩll-y y tʋbr n kelg-do! Y mengã waoogr yĩnga, bɩ y maan d sẽn kotã, la y ra kaoos ye. Bala, tẽngã yaa yãmb tẽnga, la nebã yaa yãmb nebã.»

Dẽ, mam loee noore, la m yeelg sũ-sãang fuugu, n yug m zug tompeglem, n na n pʋʋs Zu-soab a Wẽnnaam ne se-yõkre.

Tõnd Zu-soab a Wẽnnaam, tõnd kɩɩsa yãmba, la yãmb yaa nimbãan-zoɛta, la sugr soaba.

La yʋʋm a yopoe wã sẽn wat n dabd sɛɛbo, a na n maana weoogr kaool ne neb wʋsgo. La yʋʋm a tã la pʋɩ-sʋkã sã n ta, naabã na n kɩtame tɩ b bas maoongã maanego, ne kũunã kɩsgo. Sãamdã na n maana tʋʋm-wẽns hal tɩ loog nugu. La a na n maana woto, hal tɩ wakat ning b sẽn yãk n na n sãam-a wã wa ling-a.»