Popular Bible Verses from 2 Rĩm-dãmba 6

Share

La a Eliize pʋʋsa Wẽnnaam n yeel yaa: «Sẽn-Ka-Saabo, mam kot-y lame tɩ y puk bi-bɩɩgã nin t'a tõog n yãnde.» La Sẽn-Ka-Saab puka bi-bɩɩgã nini, la a yãndame tɩ tãngã kell n pida ne tãb-biisi, la bugum saar-dãmb n gũbg a Eliize.

A Eliize yeela yẽnda: «Da zoe rabeem ye. Bala, sẽn be-b ne tõndã sõor yɩɩda sẽn be-b ne bãmbã.»

La Wẽnnaam daoã rakõor yika tõd-beoog n yi, n mik tɩ tãb-biis ne wiidi, la saar-dãmb n gũbg tẽngã. Dẽ, yẽnda yeela Wẽnnaam daoã yaa: «M soaala! Tõnd na n kẽe yɛ?»

Siiri nebã yii tãngã zug n sig n kẽnd n wat a Eliize nengẽ. La Wẽnnaam dao a Eliize pʋʋsa Sẽn-Ka-Saab n yeele: «Mam kota yãmb tɩ y kɩt tɩ nin-bãmbã fãa lebg zoense!» Dẽ, Sẽn-Ka-Saab kɩtame tɩ Siiri nin-bãmb lebg zoens wa a Eliize sẽn kosã.

Wẽnnaam dao a Eliize soka yẽnda yaa: «Fo larã lʋɩɩ zĩ-bʋgo?» La raoã wilga larã sẽn lʋɩ zĩig ningã. La a Eliize kɛɛga raoog n lob zĩig ning larã sẽn lʋɩẽ wã, la larã ruka koomã zugu.

La bãmb ned a yembr sẽn kɛɛd raoogo, a larã baagame n lʋɩ koomẽ wã. Dẽ, a kelmame n yeele: «Kayto! M soaala, mam yaool n dag n penga larã!»

A Eliize yeela raoã t'a yaag larã. La raoã tẽega a nug n yaag-a.