Popular Bible Verses from 2 Korẽnt‑rãmbã sebre 1

Share

Pẽgr Wẽnnaam sẽn yaa tõnd Zu-soab a Zeezi Kiris ba wã! Ba sẽn yaa nimbãan-zoɛta la Wẽnnaam sẽn belsd nebã wakat fãa. Bãmb belsda tõnd d yel-pakrã fãa pʋgẽ, tɩ tõnd sẽn paamd belsg Wẽnnaam nengẽ wã, tõnd na tõog n bels neb nins sẽn be tood buud fãa pʋgẽ wã ne bels-kõngo.

Bala, a wa Kiris namsgã sẽn paamd tõndã, woto me, tõnd paamda belsg wʋsg Kiris maasem yĩng me.

Tõnd da tagsda d sũyã pʋs tɩ b na n kʋʋ tõndo, rẽ sẽn paam tõndã yaa sẽn na n yɩl tɩ tõnd kõn teeg d mens ye, la tɩ d na teeg Wẽnnaam ning sẽn vʋʋgd kũumã.

Yaa Wẽnnaam n kɩtd tɩ tõnd ne yãmb yalsd kãenkãe Kiris tũudmã pʋgẽ, la bãmb yãka tõnd n welg tõnd toore. Bãmb n ning tõnd bãnd b yʋʋrã yĩnga, la b ning Sɩɩg-sõng sẽn yaa arzegs nins bãmb sẽn bĩng tõndã reng-n-lɛmbg tõnd sũyã pʋgẽ.

Tõnd sã n namsdẽ, yaa tɩ yãmb na paam belsg la fãagre. Tõnd sã n paamd belsgo, yaa sẽn na yɩl la yãmb paam belsg sẽn na kõ yãmb pãng tɩ y tõog n sak namsg nins tõnd sẽn paamdã ne sũ-mare.