Popular Bible Verses from 1 Tesalonik‑rãmba 5

Share

Maan-y sũ-noog daar fãa. Pʋʋs-y n da bas ye. Pʋʋs-y Wẽnnaam bark bũmb fãa pʋgẽ, bala, Wẽnnaam raab la a woto a Zeezi Kiris pʋgẽ.

Bɩ Wẽnnaam sẽn so laafɩ wã maneg yãmb yĩn-tõrã b toor tɩ yɩ sõama zãnga, tɩ tõnd Zu-soab a Zeezi Kiris waoongã daare, bɩ b mik tɩ rõdb ka be yãmb belmã pʋgẽ ye, sã n yaa y Sɩɩgã, wall y yĩngã pʋgẽ. Sẽn bool-a yãmbã yaa sɩd soaba, la yaa bãmb n na n maan a woto.

Gũus-y y mense, tɩ ned da lebs a to wẽng wẽng yĩng ye. Mao-y tɩ maan neere, sã n yaa yãmb ne taaba, wall ne nebã fãa.

Woto yĩnga, paas-y taab raoodo, la y bɩɩs taab tẽeb wa y sẽn zoe n maandẽ wã.

D Ba-biisi, tõnd bõosda yãmb tɩ y keoog neb nins sẽn vɩ yaarã, la y paas neb nins raood sẽn boogã raoodo, la y tebel pãn-komsem dãmba, la y maan sũ-mar ne nebã fãa.

Bala, Wẽnnaam ka yãk tõnd tɩ d na paam bãmb sũ-puugrã ye, la yaa tɩ tõnd na soog fãagrã tõnd Zu-soab a Zeezi Kiris maasem yĩnga

Yãmb fãa yaa vẽenem nebã, la wĩndg nebã. Tõnd ka yʋng neb wall lik neb ye.