Popular Bible Verses from 1 Tesalonik‑rãmba 4

Share

Sẽn pʋgda, b na n lagma tõnd sẽn ket vɩ wã ne bãmb n zẽk sawat pʋse, tɩ d seg Zu-soabã yĩngri. La woto, tõnd na n bee ne Zu-soabã daar fãa.

Bala, koɛɛg n na n zẽke tɩ yɩ bãnde, tɩ b wʋm malegs naab a yembr koɛɛga, tɩ Wẽnnaam baorg peebe, tɩ Zu-soabã meng yi arzãn n sigi. La neb nins sẽn ki Kiris tũudma pʋgẽ wã n na n deng n vʋʋge.

Bũmb ning Wẽnnaam sẽn dat yaa tɩ yãmb na welg toor n yɩ bãmb dẽnda, la y yõk y mens n da maan rẽgd ye: Yaa tɩ yãmb ned kam fãa bãng tɩ tall a meng ne sõmblem la pʋ-peelem

Sɩd me, tõnd sã n tẽed t'a Zeezi kiime la tɩ b leb n vʋʋgame, tõnd tẽedame me tɩ neb nins sẽn ki Kiris tũudum pʋgẽ wã, Wẽnnaam na n kɩtame tɩ Kiris vʋʋg-ba, n lagem bãmb ne a Zeezi n zẽke.

la y vɩ ne taab ne laafɩ, la y ges y mens tʋʋmã yelle, la y tʋm ne y nus wa tõnd sẽn dag n yeel yãmbã, tɩ rẽnda na n yɩɩ yãmb waoogre.

Bala, Wẽnnaam ka bool tõnd tɩ d maan rẽgd ye, la yaa tɩ d na welg toor n yɩ bãmb dẽnda.