Popular Bible Verses from 1 Sãmwɛlle 17

Share

A Davɩɩd yeela Filistẽ daoã yaa: «Fo segda maam ne zabr sʋʋga, la ne kãnd ne kãn-dibga, la maam, mam segda foom ne Saasẽ-Pãng-Soabã sẽn yaa Israyɛll tãb-biisã Wẽnnaamã fo sẽn paoogdã yʋʋre.

La neb nins fãa sẽn be kaanẽ wã na n bãngame tɩ ka ne sʋʋg wall kãnd la Sẽn-Ka-Saab fãagd b nebã ye. Bala, yaa Sẽn-Ka-Saab n so zabrã, la yaa bãmb n kɩt tɩ d na n tõog yãmba.»

A Davɩɩd leb n yeelame yaa: «Wẽnnaam ning sẽn fãag-a maam ne gɩgmã wã la rigd-n-yĩidsã na n fãaga maam ne Filistẽ nin-kãngã me.» Dẽ, a Sayull yeela a Davɩɩd yaa: «Bɩ f kẽnge, la bɩ Sẽn-Ka-Saab zĩnd ne foom!»

Rũndã, Sẽn-Ka-Saab na n kɩtame tɩ m tõog-fo. Mam na n kʋ-f lame n fiuug f zugã. La mam na n kʋʋ Filistẽ tãb-biisã b tãb-sikẽ wã, n kõ yĩngr bõn-yɩgdɩ ne we-rũms tɩ b rɩ. Woto, dũniyã neb fãa na n bãngame tɩ Israyɛll tara Wẽnnaam.

la a rɩk a rasaare, n kẽng ko-soogẽ wã n tɩ wʋk kug-saal a nu, n sui a rũm-kɩɩm-korgẽ wã. La yẽnda rag n zãada a loaabgã n kolgd Filistẽ daoã.

A Davɩɩd yeela a Sayull yaa: «Bɩ ned ba a yembr sũur da sãam Filistẽ nin-kãngã yĩng ye. Mam sẽn yaa yãmb tʋmtʋmdã na n kẽngame n tɩ zab ne-a.»