Popular Bible Verses from 1 Pɩyɛɛre 4

Share

La sẽn deng bũmb fãa, nong-y taab daar fãa. Bala, nonglem luta yel-wẽn wʋsgo.

Yãmb ned kam fãa sẽn deeg kũunã, rɩk-y-b n tʋm n sõng neb a taaba, wa Wẽnnaam barkã kũun toay-toayã yel-gɛtb sẽn yaa sõama.

Ned sã n gomda, bɩ a gom wa sẽn zemsd Wẽnnaam goamã sẽn yetã. Ned sã n sõngdẽ, bɩ a sõng wa sẽn zemsd pãng ning Wẽnnaam sẽn kõ-a wã, tɩ Wẽnnaam sẽn so ziiri la pãng wakat sẽn kõn sa wã paam waoogr bũmba fãa pʋga, a Zeezi Kiris maasem yĩnga. Ãmina!

La ned sã n paamd namsgo, a sẽn yaa Kiris tẽed yĩnga, bɩ a ra zoe yãnd ye, a pẽg Wẽnnaam, b sẽn boond yẽnda tɩ Kiris tẽedã yĩnga.

Bũmb fãa sɛɛb wakat kolgame. Dẽ wã yĩnga, yɩ-y neb sẽn tar yam la gũus-m-mens-rãmba, n kẽng taoor ne pʋʋsgo.

Mam zo-nongdse, ra sak-y tɩ nams-toaag ning sẽn be yãmb sʋk n makd yãmbã yɩ lingr ne yãmba, tɩ yaa wa yaa yel-sãang n paamd yãmb ye. Ka tog n yɩ a woto ye, maan-y sũ-noogo, yãmb sẽn paam pʋɩɩr ne Kiris namsgã yĩnga, tɩ yãmb tõe n maan sũ-noog n kɩdem wakat ning bãmb ziirã sẽn na n pukã.

Maan-y taab sãando, tɩ yẽgeng kaẽ ye.

Rẽ wã yĩnga, bɩ neb nins sẽn paamd namsg wa sẽn zems Wẽnnaam tʋlsmã rɩk b sɩɩsã n bas Wẽnnaam sẽn yaa naanda la sɩd soabã nugẽ, n kell n maan neere.

Dẽ wã yĩnga, Kiris sẽn nams b yĩnga pʋgẽ wã yĩnga, bɩ yãmb me paam tagsg a yembr ne bãmba. Bala, ned ning sẽn nams a yĩngã pʋg basa yel-wẽnã, tɩ wakat ning sẽn ket yẽnda sẽn na n vɩɩmd a yĩngã pʋgã, yẽnda kõn leb n vɩ wa sẽn zems ninsaal datem ye, la a na n vɩɩmda wa sẽn zems Wẽnnaam datem.

Bark bee yãmb zugu, nebã sã n nams yãmb Kiris yʋʋrã yĩnga, bala, Sɩɩg ning sẽn be ziirã sẽn yaa Wẽnnaam Sɩɩgã bee yãmb zutu.