Popular Bible Verses from 1 Kibayã 16

Share

Bao-y Sẽn-Ka-Saabo, bao-y bãmb pãngã, bao-y bãmb wakat fãa!

Pẽg-y Sẽn-Ka-Saab tɩ b yaa sõngo. Bala, bãmb nonglmã paada wakat fãa!

Bɩ y waoog Sẽn-Ka-Saabo, la y zẽk bãmb yʋʋrã! Kɩt-y tɩ nebã bãng bãmb tʋʋm-kãsemsã!

Maan-y sũ-noog bãmb yʋ-sõngã yĩnga! Bɩ sẽn baood-b Sẽn-Ka-Saabã maan sũ-noogo!

Yãmb sẽn yaa b tʋmtʋmd a Israyɛll yagensã, yãmb sẽn yaa a Zakoob yagense, n yaa bãmb nin-tũusdsã! Tẽeg-y bõn-yɛɛsds nins bãmb sẽn maanã yelle, tẽeg-y bõn-kãsemsã ne b bʋ-kaoorã yelle!

Yɩɩl-y bãmb yĩnga, pʋd-y yɩɩl bãmb yĩnga! Tags-y bãmb tʋʋm-kãsemsã fãa yelle!

Bala, Sẽn-Ka-Saab yaa kãsenga, la b zemsa ne pẽgr buud fãa, bãmb seka zoees n yɩɩd wẽnnaam-dãmbã fãa.

Kõ-y Sẽn-Ka-Saab yʋʋrã waoogre! Tall-y kũun n wa bãmb taoore. Wõgemd-y Sẽn-Ka-Saab taoore, b sõmblmã sẽn wat n pukdẽ wã.

Sẽn-Ka-Saab nengã tara ziir n pɩnda. Bãmb sẽn beẽ wã pida ne pãng la sũ-noogo.

Bɩ dũniyã gill nebã yɩɩl Sẽn-Ka-Saab yĩnga! Moon-y bãmb fãagr koe-noogã daar fãa!

Togs-y bãmb ziirã bu-zẽmsã sʋka! Togs-y bãmb tʋʋm-kãsemsã nebã fãa sʋka!

«Da saag-y n sɩɩs-y mam nin-tũusdsã ye, la y ra maan mam no-rɛɛsdbã wẽng ye!

Bala, buud a taabã wẽnnaam-dãmbã fãa yaa zĩrẽ wẽnnaam-dãmbã, la yaa Sẽn-Ka-Saab n naan saasã.

Tẽeg-y bãmb kaoolã yell wakat fãa, Tẽeg-y b gomd ning b sẽn yeel zamaan tusr yĩngã yelle.

Bɩ saasẽ maan sũ-noogo, la bɩ dũniyã kɩdme! Bɩ b moon n yeel buudã fãa, tɩ Sẽn-Ka-Saab n yaa rĩmã!

Bɩ Sẽn-Ka-Saab sẽn yaa Israyɛll Wẽnnaamã paam pẽgr zamaan woo zamaane! Dẽ, nebã fãa yeelame: «Ãmina!» La bãmb pẽga Sẽn-Ka-Saabo.

Buud toay-toayã roto, pẽg-y Sẽn-Ka-Saabo! Kõ-y bãmb waoogre, wilg-y b pãngã!