Popular Bible Verses from Loma 4

Share

Ba yeni, o yama ki den lengidi ke o luo li dandanli U Tienu po, ki nua ke o kan kuani wan den niani yaa ñoanianu. Ama o dandanli den paagi o, ke o kpiagi U Tienu. O den daani ki go bani cain ke U Tienu n niani yaala, o go pia li fidu ki baa kuani o ñoanianu.

«N teni ke a tua nibuoli boncianla baa.» U Tienu, Abalahama n den daani yua yeni, nua wani Abalahama yua n tie tikuli baa, wani U Tienu yua n teni ke bi tinkpiba go ye ki fo, ki go teni ke yaa bonla n ki ye n tua yaala n ye.

Bi den cuo o kelima ti yaa tagili po, ke o go fii bi tinkpiba siiga ke tin baa li moamoansaali.

Abalahama den daani U Tienu ki pia mi suginma, ba ke o dugidi naa go den pia tin baa fidi ki sedi naani. Lani yaa po, o den tua i nibuoli boncianla baa, nani U Tienu n den maadi o maama ki yedi: «A puoliŋuani baa yaa yabi yene.»

Lanwani, yaaba n baa baa U Tienu n den niani yaa ñoanianu baa baa u, kelima li dandanli yaa po. U Tienu bua ban baa u ñoanianu kelima o ŋanbili paabu po bebe. O bili ke o ñoanianu baa yaa ye Abalahama puoliŋuani kuli po. Laa tie yaaba n pia li bali maama bebe yaa po ka, ama yaaba n daani U Tienu nani Abalahama n den daani maama. Wani Abalahama tie tikuli yaaja. Nani lan diani maama

Li pamanli ye leni yaaba N baa sugili bi biadima po, Leni U Tienu n piini yaaba yaa tuonbiadi. Li pamanli ye leni o Diedo n kan go tiadi Yaa nilo tuonbiadi po.

Lani yaa po, i Diani mo yedi lede? Li yedi: «Abalahama den daani U Tienu ke U Tienu den coadi o po la ke li tie teginma.»